餃里 (悅湖商場) (裝修中)

我全家人郁比呢間餃子店深深吸引住，每個月都仲係會黎買一次餃子反去煎黎食，小店隻隻餃都人手包，仲要每隻都大大隻，勁足料，所以真係對餃子們念念不忘。今日又收到呀媽order過黎買反三打反屋企食。今次叫左芝士粟米、芫荽同埋韭菜三款，每樣一打，芫荽同韭菜之前都試過，阿媽好鍾意，所以再次落order要買，兩款餃子都好飽滿好多料，最重點係要煎得好，煎到唔好破皮，咁食嘅時候就會有爆汁嘅感覺，可見餃子幾正。另一款芝士粟米就第一次試，好有驚喜，芝士同粟米好夾，芝士仲做到拉絲添。餃子仲配埋菜譜同埋柚子汁，菜譜夠味辣辣地，食落更加惹味，而柚子汁清清地食落去左油膩感。非常推薦大家食餃子嘅時候要埋呢兩樣配料呀。