Just Eat (已結業)

前幾日生日，男朋友知我鍾意食越南菜，帶左我去西環的Just eat食嘢，個到都叫近西營盤地鐵站，行去正街的扶手電梯落去就到，好方便，好彩我地早到唔係都無乜位坐。我哋叫左一碟雞絲扎肉蝦頭油炒飯、蕃茄濃湯海鮮金邊粉、絲網春卷、越南凍咖啡奶、凍柑桔梳打。雞絲扎肉炒飯材料都幾足，而且粒粒分明，又唔話覺得佢炒得過火，所以不錯。我覺得最正係蕃茄濃湯海鮮金邊粉，一來我好鍾意蕃茄湯底，二來連男朋友不嬲都唔好蕃茄湯都話好味，蝦味好濃，係咁飲，除了海鮮仲有啲肉碎，層次感豐富。絲網春卷脆卜卜，包住生菜食，令你唔會覺得好內疚，而且好好味，就算擺耐左都無問題，唔會腍左。男朋友就係飲凍咖啡奶，佢好鍾意呢杯飲品，我就覺得味道似拖肥，咖啡味都出，但相對奶味比較重。柑桔梳打好正，柑桔味都幾出，係唔鹹的鹹柑桔，少少微酸好開胃，清新得來帶多一點味道。