邊澗鐵板燒日本料理 (已結業)

老公話佢老闆推介去灣仔食鐵板燒,仲話一定要帶我去試吓,我梗係話好啦,雖然我兩個星期前先係大板食完神戶牛不過我真係超鍾意食日本菜!坐低叫咗個凍蕃茄,佢個芝麻醬好香仲有少少芥辣汁,好好味!魚生我叫咗我必食嘅赤貝,平貝(好似大帶子不過爽好多)兩樣都好新鮮,另外魚鯛就係師傅推薦嘅,佢話係立魚嘅一種,有個秘制酸汁好夾個魚!唔會無哂魚味,仲有個豉油唔會死咸(又係秘制)出面有D魚生豉油咸到食乜都味抵讚!拖羅唔算入口即溶,不過脂肪平均有口感.煙吞拿魚有驚喜入口似牛肉配紅酒一流!鐵板牛柳肉質好冧我哋要三成佢都控制得到,反而神戶仲煮得太熟又咸.個蝦好彈牙個蜆湯我哋無叫係師傅送嘅,好清甜.跟住老公話唔飽叫多個炒飯..一樣食哂.整體都值得再去食!我寫嘅時候先睇到之前有人話服務好差,如果我睇咗先一定唔嚟試,咁我就食唔到咁正嘅鐵板燒囉,其實我哋成晚都feel唔到有唔好服務囉!魚生師傅同其他waiter都好好人喎!