九龍城寨墨魚丸專家鱻魚湯料理 (已結業)

數到屯門名物，其實都唔少得巴倫紐戲院，直頭係我個人童年回憶。週日先喺度睇睇蜘蛛俠，大佬呀，60蚊想點。睇完戲又係時候醫肚，近近地過對面馬路試左呢間喺屯門嘅「九龍城寨」，開左好耐冇幫襯過。晚飯時間已經好多人，一般茶記格局，店面較窄，坐位唔多，有少少逼狹，咁啱有位即坐，遲一步已經要等位。可惜頭頂冷氣機間歇滴水…呢度主打鮮魚湯底，強調用純天然歐州銀鱈魚骨熬制，配合粉麵飯菜，另有蒸魚套餐、泡飯、佬飯、撈麵等，選擇豐富，價錢較同區粉麵貴啲，但個人認為可以接受。鮮魚湯滾咸蛋肉片泡飯 $44 (凍飲+$5)見到湯飯再加咸蛋呢個配搭，諗都唔洗諗。因為個人偏好咸蛋，所以評語或許唔太公正 (笑)賣相都幾吸引啦，肉片、咸蛋份量都唔少，仲加左幾條白菜仔，喂白菜仔又係我至愛，冇辦法唔讚好了。湯底呈淡黃色，魚鮮味突出，飯軟熟但唔會浸到爛溶溶。肉片薄身唔會太乾柴，合格咸蛋香而少咸，當堂覺得自己好好彩，因為喺街食到靚啱咸蛋唔容易。極速扒哂一碗飯，只係湯略少，幸好事後都冇覺得口渴，可見味精感唔強。鮮魚湯四寶河粉 $42鮮魚湯四寶配魚肉春卷、墨汁墨魚丸王、魚腐、魚蛋、紫菜，四寶各兩粒，份量頗多。可彈性選配河粉、米粉、米線