小魚兒 (寶漢大廈) (已結業)

今日與閨蜜一齊係銅鑼灣Shopping，我地有共同嗜好，就係食雞，於是去附近出名食雞煲的小魚兒試試，座位大部分都是卡位，十分闊落，坐得很舒適。❤️蟲草花膠雞煲（半隻）我地揀了一個唔辣唔麻的雞煲，一樣咁有水準，食到雞的鮮味，而且半隻雞的份量都很多，仲落左洋蔥、芫荽調味，聞落好香，內有蟲草花及花膠，店員教我們等滾起再炒炒，熄火焗一焗就可以食，雞件嫩滑好惹味，花膠厚身及很大件，好掛汁，口感彈牙，十分美味，食完雞再加入上湯，就可以繼續落料打邊爐。❤️我們點了手切牛頸脊，質量甚佳，油脂均勻，只須輕輕灼幾下就可以食，肉質嫩滑，味道濃郁，十分美味。❤️鴨血口感軟滑，爽口， 有質感，不容易散，打邊爐真係一流。❤️ 牛丸拼墨丸 、芝士包心丸，都很爽口彈牙，口感非常好！❤️日本扇貝、原隻虎蝦，超級大隻又新鮮。❤️田園蔬菜拼盤，當然有打邊爐必點嘅新鮮蔬菜，拼盤有多種不同的菜，生菜、油麥菜、金菇、娃娃菜，新鮮翠綠，健康有益。這裡除了雞煲之外，烤魚同埋串燒也很出名，下次一定要試試。