可可豬海南雞專門店 (寶榮大廈) (已結業)

砲台山出名多隱世小店，今日放工就約埋朋友去呢度買外賣。呢度距離砲台山地鐵站大約5分鐘路程。宮廷藥膳醉香雞湯米粉，$66。由於外賣返屋企食，所以米粉偏淋，不過藥膳雞湯真係唔講得笑，一開蓋藥材味散佈成間屋，浸過湯嘅咪分分外好味。另外加咗$18，飲埋呢度嘅滋補拿杯湯，成個套餐真係非常之補。驚嘆黑蒜醬燒豬軟骨飯，$76。黑蒜醬非常好味，有種好似食緊黑蒜油拉麵嘅感覺。豬軟骨烹調不溫不火，黑蒜醬亦非常入味，呢味菜色算係近期食過嘅逸品。