中國廚房/台灣牛肉麵

營業中

休息中

今日嚟尖沙咀飲夜茶，餐館分別有台灣菜，亦有中式小炒同埋點心。黑金流沙包賣相精緻，熱辣辣嘅奶黃包外層鬆軟，咬到中間，流沙既奶黃係咁湧出嚟，好似食緊流心既心太軟咁，好滿足～荀尖蝦餃皇蝦餃皮厚薄適中，每粒晶瑩剔透，仲食到啖啖蝦肉。懷舊燒賣皇同其他酒樓既燒賣相比，唔算大粒，不過食落既味道都唔錯，燒賣皮幾薄，豬肉既肉質鮮嫩。蒜蓉鮮蝦春卷春卷外皮相當鬆脆可口，入面有蝦肉份量都幾足，先咬一口春卷，再點埋醬汁食第二啖，都幾唔錯。XO醬菜苗餃上面鋪滿XO醬，食落幾惹味。