鉄人旨花

營業中

休息中

早前去咗銅鑼灣食鐵板燒因為我好鍾意食海鮮所以揀咗龍蝦餐有龍蝦、白鱈魚、和牛（如果唔食牛 可以轉豚肉架）大飽口福 好滿足！💠龍蝦鐵板燒（二人前）- $2380🔸前菜🔸沙律磯煮鮑魚冰涼彈牙！個汁甜甜哋、有啲醬油香，好食。胡麻醬沙律好清新。🔸汁煮白鱈魚魚煎得超嫩、好滑、厚身又多汁，而皮就煎得好脆。伴香甜洋蔥汁，可以當湯咁飲，整體好好味。🔸龍蝦配海膽汁龍蝦好巨大，勁鮮甜爽身，單吃已經好好味！海膽汁香濃，點嚟食就會惹味啲。🔸季節料理以日本天白乾花菇，發水2日再用嚟煮，厚厚嘅菇口感十足，一咬落去會噴汁，好香蒜、清酒、醬油味，好食。🔸熊本縣產A5和王牛和牛5成熟，入口彈牙juicy，肉味香濃，伴車厘子紅酒汁、羽衣甘藍、獨子蒜片，香口滋味。🔸蔥蒜豚肉片豚肉鬆軟，煎完仲有豚脂香，卷住蒜片同蔥花一齊食，又香又有口感。🔸炒飯用日本產米嘅炒飯，粒粒分明，加入元貝、蔥蒜、蛋等材料，炒得好香！我食哂成配飯😂。🔸雞湯加咗啲菇一齊煮，味道幾清香。🔸甜品可以揀雪糕或者水果，我揀咗靜岡縣密瓜，味道唔算太甜，但係蜜瓜味就好香。