蔡瀾越南粉 (已結業)

朋友由間店開幕冇耐就話想嚟食，但又怕排隊，最後佢喺平日非繁忙時間食左一次。聽佢講完食評我立刻有興趣，呢日就跟佢嚟食。平日12點10分左右到左排隊，等位時已派定Menu俾你，喺門口外等左10-15分鐘入坐。行入去覺得環境乾淨，行左上2樓一間房裡面坐低，枱與枱之間唔好期望寬敞，不過坐得舒服。其實可選菜式唔多，我要左牛腩牛筋河走莞茜，而朋友點左香茅烤豬頸肉春卷撈檬，再點左份春卷一齊食 。大約等5分鐘就上菜，望落去賣相係正常湯河，我一口咬落去先明白點解朋友推薦呢間，河粉好滑，最重要係個湯底有好濃既牛肉味道但視覺上又覺得個湯好清。朋友話我知唔夠可以添河粉，職員會另上一碗河粉俾我。我本來都覺得需要既，但係食完眼前碗湯河同小食我已飽了。總括嚟講係好值得嚟試下。