金滿象正宗泰國菜 (已結業)

一行2人，行完花園街，去附近搵野食，見到有間泰國菜，個門面幾靚，光鮮，同埋都幾多人排隊，於是就二話不說，同老婆入去攞位等食晚飯。 等左大概15分鐘左右，就可以入去了，坐位不多，但整體感覺舒適！ 見到菜牌有好多野食，花多眼亂，於是就叫泰國姐姐介紹d招牌菜，呢位泰國姐姐諗都無諗就介紹左，無骨燒雞焗黃薑飯，同埋咖哩大蟹，見到周圍都好多人叫，我同老婆都無意見，就叫左呢2個招牌菜，可能人比較多既關系，我們等左大概30分鐘先有得食，不過都幾驚喜，因為個雞，同個蟹，出到來個賣相很好，雞都大隻，肉好嫩，黃薑飯香噴噴👍值得推介 呢個咖哩大蟹，我食咁多間泰菜，呢間真係超新鮮同大隻，啖啖肉，味道仲好好，原本諗住加個薄餅點咖哩汁食，但因為泰國姐姐仲介紹左個甜品，所以無加到，因為都幾飽，食埋個甜品剛剛好！總體來講。用料新鮮，味道👍，價錢中等，2人加埋先600元左右埋單，抵食，有驚喜，一定會再帮襯！