Sole Coffee

營業中

休息中

今日入咗元朗探個朋友，喺元朗西鐵附近真係好多嘢食，朋友今日帶咗我去一間好有格調嘅Cafe，啲嘢勁好食，所以喺度推介一下。Sole coffee 地址喺元朗鳳攸北街11-15號益發大廈地下。餐廳裝修得好整潔，望落去好有格調，以白色為主，餐廳地方雖然唔大，但係座位嘅空間都好足夠，喺度食嘢都幾舒適。菠菜忌廉煙三文魚意大利粉，賣相真係好吸引，一朵三文魚嘅玫瑰花喺意大利粉上面，三文魚嘅份量都好多，而且食落去味道鮮甜，意大利粉做得好出色，每一條意粉都有忌廉同菠菜嘅香味食落去又清新味道又香，意大利粉亦都煮到啱啱好，軟硬度適中，呢個意粉簡直係必須嘅推介。All day breakfast lite ,材料真係好豐富，有大啡菇，沙律菜，牛油果多士，香腸．煙三文魚，炒蘆筍，牛油果多士真係好有驚喜，牛油果味道好香加上有少少芝士，令到味道更加突出更加有層次。蘆筍爽口感覺好清新。Chocolate muffin 焗到啱啱好，朱古力味又香又唔會太甜，蛋糕好鬆軟，食完一個都唔夠喉，真係好好味。呢間咖啡店一定會再嚟幫襯，無論價錢同埋食物嘅質素都好好。