白鬍子炸魚薯條 (已結業)

上星期去中環出席個Event，經過碼頭見有D餓，就求其買D野食，本身諗住食完就算，冇諗過寫食評，所以就冇影相。不過食完真係要讚一讚，堅好味，平時食既炸魚薯條，多數都係好厚粉，食完都唔夠有魚，但呢間唔厚粉之餘，仲即叫即炸，勁脆。醬汁都好好味，我見到D外國人食都點哂頭咁，應該都覺得好有水準。薯條就幼身既，唔係我想像之中既粗身著條，不過都好味，可能係即炸關係，成件事係好完美，再加上中環碼頭既環境，真係好Chill，大家有機會一定要試下。