影片
更多
2005-09-08
2 瀏覽
同三位同事食晏，由於其中一位係素食者，灣仔區o既素食餐廳又唔多，所以決定打的去中環o既Life。一點鬆D黎到，係人鬼參半o既格局，有九成滿，可見呢度依然咁受歡迎。四個人，叫左一個small沙律combo，可選三款沙律﹝一個人黎，可以叫mini，即單款沙律﹞，我地就要左南瓜沙律加兩份意大利黃瓜沙律。由於呢度o既食物份量都幾多同幾飽肚，我地只係要左兩個主菜─是日意大利飯同希臘mousaka。此外，大家都各叫左一杯鮮榨蔬果汁，我就叫一向飲開o既rasta，即係紅菜頭加甘荀汁。沙律首先上場，份量好足，配一片有多種果仁o既粗麥包。南瓜好甜，各款蔬菜亦好新鮮爽脆，加上調得剛好o既橄欖油醋汁，非常醒胃。片麵包好多果仁，好好味，可惜得一片，一人只分得一啖。是日意大利飯用o既係意米(barley)，個汁係用新鮮蕃茄同羅勒葉煮o既，再灑上水牛芝士碎，味道清新，質感又幾特別，good！Mousaka係用黑豆代替羊肉碎，中間夾o既茄子亦好juicy，配菠菜汁同蕃茄汁，味道係恰到好處，幾位同事直情懷疑佢加左肉添。由於兩份主菜都好大份，mousaka仲伴有一碟蔬菜沙律，我地食完都好飽下。不過呢，我o既朋友或同事都
四個人，叫左一個small沙律combo，可選三款沙律﹝一個人黎，可以叫mini，即單款沙律﹞，我地就要左南瓜沙律加兩份意大利黃瓜沙律。由於呢度o既食物份量都幾多同幾飽肚，我地只係要左兩個主菜─是日意大利飯同希臘mousaka。此外，大家都各叫左一杯鮮榨蔬果汁，我就叫一向飲開o既rasta，即係紅菜頭加甘荀汁。
沙律首先上場，份量好足，配一片有多種果仁o既粗麥包。南瓜好甜，各款蔬菜亦好新鮮爽脆，加上調得剛好o既橄欖油醋汁，非常醒胃。片麵包好多果仁，好好味，可惜得一片，一人只分得一啖。是日意大利飯用o既係意米(barley)，個汁係用新鮮蕃茄同羅勒葉煮o既，再灑上水牛芝士碎，味道清新，質感又幾特別，good！Mousaka係用黑豆代替羊肉碎，中間夾o既茄子亦好juicy，配菠菜汁同蕃茄汁，味道係恰到好處，幾位同事直情懷疑佢加左肉添。由於兩份主菜都好大份，mousaka仲伴有一碟蔬菜沙律，我地食完都好飽下。
不過呢，我o既朋友或同事都係好食之人，即使當時已經好飽，仍然外賣左一件orange polenta cake番去做下午茶！件蛋糕份量都唔細，$40件雖然唔係平，但材料係有機o既，味道又唔錯，都叫值啦！為左配件蛋糕，我仲特登沖左壺有機薄荷黎配添呀！
張貼