影片
更多
2024-12-03
334 瀏覽
今日要同大家介紹一間一試難忘嘅廚師發辦！食廚師發辦嘅重點，除咗可以坐喺師傅面前睇佢準備食材、刀工，仲可以品嚐到新鮮同埋罕有嘅食材。自問喺香港都食過好幾間omakase，但係都不及今日呢間位於銅鑼灣亨利中心Sushi N! 今次我就試咗呢個Omakase Set "N"。一開始係呢一個先付三品，分別係南瓜汁豆腐 、黑梅貝大根同埋荀菜蕃茄。首先，甜甜地加埋濃厚嘅豆香都好夾，之後嘅黑梅貝嘅彈牙質感配合埋大根又甜又濃嘅醬汁都唔錯，而筍菜蕃茄就新鮮好味。之後就係呢個北海道鮮鳳趾牡蠣，雖然唔係好重蠔味，但係清淡得來大大件，而且肉質唔錯😋接住落嚟嘅就係刺身三品：第一品係甜蝦他他加配合烤鱈魚片，當中甜蝦加左岩塩和柚子皮，食落去鹹鹹地又好清新，再加埋烤鱈魚片一起吃，配合起嚟嘅味道都幾夾而又脆卜卜第二品係蜜甘鮦，師傅亦都有講關於呢啲魚係長野縣飼養，而當中亦都會比蜜柑佢哋食，所以喺食嘅時候亦都有蜜柑嘅味道。最後第三份就係劍魚腩，呢個劍魚腩要配合埋呢個蛋黃醬同埋炸蔥，又估唔到呢個蛋黃醬同劍魚蛋個味道又會咁夾。 煙燻銀鱈魚刺身嘅做法係用火槍嘅形式製造煙燻，然後再罩住佢令到啲刺身入晒味，入口嘅時候會先手聞到煙燻
食廚師發辦嘅重點，除咗可以坐喺師傅面前睇佢準備食材、刀工，仲可以品嚐到新鮮同埋罕有嘅食材。自問喺香港都食過好幾間omakase，但係都不及今日呢間位於銅鑼灣亨利中心Sushi N! 今次我就試咗呢個Omakase Set "N"。
一開始係呢一個先付三品，分別係南瓜汁豆腐 、黑梅貝大根同埋荀菜蕃茄。首先，甜甜地加埋濃厚嘅豆香都好夾，之後嘅黑梅貝嘅彈牙質感配合埋大根又甜又濃嘅醬汁都唔錯，而筍菜蕃茄就新鮮好味。
之後就係呢個北海道鮮鳳趾牡蠣，雖然唔係好重蠔味，但係清淡得來大大件，而且肉質唔錯😋
接住落嚟嘅就係刺身三品：
第一品係甜蝦他他加配合烤鱈魚片，當中甜蝦加左岩塩和柚子皮，食落去鹹鹹地又好清新，再加埋烤鱈魚片一起吃，配合起嚟嘅味道都幾夾而又脆卜卜
第二品係蜜甘鮦，師傅亦都有講關於呢啲魚係長野縣飼養，而當中亦都會比蜜柑佢哋食，所以喺食嘅時候亦都有蜜柑嘅味道。
最後第三份就係劍魚腩，呢個劍魚腩要配合埋呢個蛋黃醬同埋炸蔥，又估唔到呢個蛋黃醬同劍魚蛋個味道又會咁夾。
煙燻銀鱈魚刺身嘅做法係用火槍嘅形式製造煙燻，然後再罩住佢令到啲刺身入晒味，入口嘅時候會先手聞到煙燻味，再加埋魚肉好滑又軟又彈牙。呢個配搭真係好特別好深刻。😋同時間佢哋都有準備埋北海道白粟米，甜甜地又多汁清一清個口腔又可以再食。
鹽燒和牛又真係冇得輸，油脂好夠，外面整得香口之餘仲入口即溶，仲有配埋芥茉籽和岩塩，我就鍾意加少少岩塩，一流😄
手握壽司就有四貫-伊助木、秋刀魚、深海池魚、石垣鮦～
而進食嘅方式佢都提供埋埋濕紙巾，好似日本嘅Omakase 可以用手指夾住嚟食😄當中我就比較鍾意深海池魚，佢嘅油分同普通池魚真係好唔同，好味～
之後就係中吞拿魚腩，都係油分適中入口即溶。仲有呢個同埋呢個好有質感嘅北海道海膽帆立貝，口感爽，正
最後壓軸嘅就係呢一個雲丹刺身手卷，睇到師傅成盤攞出嚟慢慢整，睇落去啲色澤都好靚，連埋紫菜一啖咬落去，真係好滿足又Juicy。
食完正餐就嚟返碗鯛魚濃湯，味道極濃郁呈奶白色的鯛魚湯，應該好足料又甜又Creamy😋
到最後就係以呢個士多啤梨雪糕作結，下次過開呢頭真係要再嚟回味回味😄
Sushi N
● 地址: 銅鑼灣恩平道42號亨利中心12樓
#omakase #廚師發辦 #新鮮刺身 #銅鑼灣美食 #餐廳推介 #香港美食
張貼
