斯慕奇 (已結業)

之前喺坑口見過呢間斯慕奇，又有鮮果茶，又有脆條，好似幾吸引，點知仲未來得及試，就搬走咗啦……今日喺旺角見番，梗係要即刻買啦。($120/6條)今日嘅款式不算多，只有經典及可可嘅原味、芋頭味及榴槤味。我地各種口味都有買，打算同同事一齊分享。我自己就食咗經典榴槤味，脆條面層好香脆，入面有少少煙煙韌韌嘅質感，再加上榴槤味香濃，好好味。就算食完飯之後當甜品，都唔覺滯。而其他同事，就大多數揀原味$22或可可原味$25。個個都食到舐舐脷。果茶亦都解渴好飲。