川府宴 (已結業)

去完銅鑼灣sogo thankful week掃貨，決定係附近食埋晚飯先回家。朋友鍾意食辣野,就去左永光中心既川府宴食啦~餐廳有小菜、小食、火鍋等等, 我地得兩個人所以冇叫火鍋麻辣雞肘翼單骨雞翼食得好方便，炸到好香脆既皮, 加埋麻辣粉, 惹味!餐廳新推出擔擔湯麵秘製肉碎、花生、蔥花配上麻辣湯底,又香又辣…食唔停口!好食!    川式炒萵芛真係好似家庭小菜, 食下菜清下腸胃!毛血旺呢款菜式我好鍾意, 因為用料豐富, 有牛柏葉、大腸、火腿條、豬紅、午餐肉片、木耳,材料吸收晒麻辣既湯汁, 配晒大量芽菜, 正!!!!由於好多菜式都未試, 我地決定下次要組隊再黎呀!