影片
更多
2013-11-08
1311 瀏覽
都係嗰句，呢度嘅服務態度真係一流！今次食美國上級進口牛肉+豚肉，晚市90分鐘放題，原價$168加一/位，會員9折，滙豐信用卡85折。我哋用會員優惠券，不能與其他優惠同時使用。我哋3位冇book位，8點25分左右嚟到攞飛等位，人唔多，等到9點本來入得，點知有枱客人夠鐘唔走，最後搞到9點15分先入得。入座前先落order，揀好食邊款牛肉放題同湯底先，再埋位。湯底揀咗骨膠原豬骨湯同昆布清湯，昆布清湯比較好味。上次食過日本極上黑毛和牛，記憶猶新。今次嘅美國上級進口牛肉，相對之下就比較“鞋”，但佢勝在切得薄，好軟綿綿，又夠牛味。而豚肉喺呢款牛肉襯托底下，變得非常滑漏，但滿口牛味嘅情況下食得出有豬味，小弟反而接受唔，都係食返牛肉算喇。值得推介係胡麻醬，配牛肉豚肉好好味。追加肉類方面，職員都好爽手，每roung都唔會等好耐，每次上枱嘅肉類質素都保持不變，絕對唔會有越食越差嘅情況。至於加湯，職員會先睇電腦係咩湯底，再因應咩湯底加咩湯，最搞笑係食到咁上下，個豬骨湯變到同昆布清湯一樣色，搞到職員分唔到要問我哋。枱面本身亦放有兩隻綠色邊嘅碟，係俾客人去攞自助火鍋配料，職員係唔會收，以減少洗滌用水響應環保。飲
今次食美國上級進口牛肉+豚肉，晚市90分鐘放題，原價$168加一/位，會員9折，滙豐信用卡85折。我哋用會員優惠券，不能與其他優惠同時使用。我哋3位冇book位，8點25分左右嚟到攞飛等位，人唔多，等到9點本來入得，點知有枱客人夠鐘唔走，最後搞到9點15分先入得。
入座前先落order，揀好食邊款牛肉放題同湯底先，再埋位。
湯底揀咗骨膠原豬骨湯同昆布清湯，昆布清湯比較好味。
上次食過日本極上黑毛和牛，記憶猶新。今次嘅美國上級進口牛肉，相對之下就比較“鞋”，但佢勝在切得薄，好軟綿綿，又夠牛味。
而豚肉喺呢款牛肉襯托底下，變得非常滑漏，但滿口牛味嘅情況下食得出有豬味，小弟反而接受唔，都係食返牛肉算喇。
值得推介係胡麻醬，配牛肉豚肉好好味。
追加肉類方面，職員都好爽手，每roung都唔會等好耐，每次上枱嘅肉類質素都保持不變，絕對唔會有越食越差嘅情況。
至於加湯，職員會先睇電腦係咩湯底，再因應咩湯底加咩湯，最搞笑係食到咁上下，個豬骨湯變到同昆布清湯一樣色，搞到職員分唔到要問我哋。
枱面本身亦放有兩隻綠色邊嘅碟，係俾客人去攞自助火鍋配料，職員係唔會收，以減少洗滌用水響應環保。
飲品方面有汽水、橙汁、蘋果汁同唔知係咪提子汁。橙汁同蘋果汁係唔錯架。至於提子汁，朋友就話似藥水味。
可能夜咗，雪糕機今次得返士多啤梨乳酪，有進步嘅係呢度終於加咗6款配料俾客人自己加配喇，非常好食！！
再一次強調，呢度嘅服務態度真係非常好架！
張貼
