和匠日式燒肉店

營業中

休息中

年尾出左雙糧，即刻同朋友去食餐好慰勞自己。呢間燒肉店通風做得非常好，個爐有埋通風系統，食完個身完全無燒肉味。前菜叫左個豆腐沙津 $62 開謂沙律好大碟，幾足料，個醬係日式芝麻醬，加埋豆腐食好夾。芥辣八爪魚粒   $48一大碗八爪魚滿載，芥末味重，鐘意食wasabi一定要叫。美國PRIME牛小排  $138呢個牛D肥膏同肉分佈好平均，好肥美，燒完後即刻食入口即溶，完全無根，靚件真係唔同D。美國PRIME牛角切 $168牛粒又係脂肪分佈平均，燒完之後外脆內軟，好嫩的牛，唔需要落任何調味料都食到天然牛味，必點。豚腩肉  $80豬肉的肥膏睇落需然好多，但燒完出黎好嫩滑，完全食唔到根，加埋少少七味粉調味先燒，更好食，而且只係$80，值得一試。牛油燒帆立貝黑松露醬 $88牛油加黑松露，一路燒一路聞到好香的黑松露味道，等到牛油溶左仲香，熱辣辣即刻擺入口，黑松露香慢慢係個口到出黎，正!特大緬甸虎蝦 $220呢個蝦要成$110 隻，係有D 貴，出左雙糧豪食一次。個蝦燒到一紅色就要拎出黎，唔係燒太耐D肉就唔嫩。個蝦超大雙，食落好鮮甜。海膽炒飯 $108個炒飯個人覺得鮮味唔夠，味道也不太夠，普普通通。