犇道 (已搬遷) 新店位置

天氣凍左咁多，最岩就係打邊爐!上星期日特登去左好友推薦既犇道，買左個美國高級USDA Prime火鍋套餐，有齊四款靚牛肉，價錢合理。犇道位於屯門龍門居商場地下，原本係高質慢煮牛排館，最近轉型為門市同網購高級肉品食材店，今次買既美國高級USDA Prime火鍋套餐，有齊美國Prime極佳級牛小排、美國IBP安格斯、美國安格斯封門柳、美國特級安格斯牛頸脊，套餐仲送一袋鮑魚餃子，好抵啊~美國Prime極佳級牛小排油脂含量豐富，口感柔嫩多汁，食落軟嫩中略帶嚼勁，入口即化。美國IBP安格斯牛三角肉質厚實，牛肉味濃郁，完美脂肪比例，肉汁豐富，口感豐厚飽滿，香甜多汁。美國安格斯封門柳即牛橫隔膜肌肉，頗為罕有。油花雖較少，但肉味香濃，入口軟腍，口感鮮嫩爽滑。美國特級安格斯牛頸脊位於牛頸與肩胛之間，運動量比較多，肉味濃郁，大理石油脂花紋分布均勻，脂肪較少，口感細嫩醇香。鮑魚餃子大大隻，皮薄餡多，有鮑魚粒、粉絲等。