影片
更多
2022-06-19
5956 瀏覽
父親節🥸循例都要帶屋企人食好啲😎今次就嚟到中環IFC呢間好有氣派，走高檔路線嘅國金軒。呢度嘅空間好寬敞，環境一流👍🏻無敵落地玻璃將維港同大大個摩天輪🎡一覽無遺。服務都好有水準，就連普通一壺茶都會放喺蠟燭上保溫。呢日叫大部份菜式味道都唔錯，同屋企人嚟食嘅話一試無妨。蒜泥日本黑豚肉卷同蒜泥白肉好相似，豬肉肥瘦相間，包住青瓜一齊食幾清爽，辣度唔係好高。滷汁牛舌滷水汁幾香甜，牛舌滷到入晒味，厚肉而且質感Q彈😗脆皮燒腩仔個皮幾香脆，燒腩仔肥瘦相間，肉質幾軟滑，調味唔會太鹹，都唔錯。金沙脆鱔有金沙嘅菜式都實無死，炸過嘅鱔片脆卜卜，連同側邊嘅豆，每條都包裹著起沙嘅鹹蛋黃，好香好惹味，好似食緊炸魚皮咁，而且夠乾身，完全唔覺油膩😍😍河塘金魚餃造型好精緻🤩唔單止將魚形🐟嘅水晶餃整到似模似樣，下面仲有芡汁，模仿魚塘嘅效果，有心思。個皮好薄帶少許煙靭口感，餡料係滿滿嘅蔬菜粒，幾爽口。香草黑椒安格斯牛柳粒呢個就正正常常都唔錯。竹影田色造型同樣精緻，用竹笙包裹著芋頭南瓜等，唔止色彩繽紛，味道仲好好，一啖食到唔同口感層次😋黑豚百里香焗餐包餐包夠鬆軟，豚肉甜甜地同個包幾夾。15年陳皮王子乳鴿職員嘅推薦款式，乳鴿用陳皮
蒜泥日本黑豚肉卷
同蒜泥白肉好相似，豬肉肥瘦相間，包住青瓜一齊食幾清爽，辣度唔係好高。
滷汁牛舌
滷水汁幾香甜，牛舌滷到入晒味，厚肉而且質感Q彈😗
脆皮燒腩仔
個皮幾香脆，燒腩仔肥瘦相間，肉質幾軟滑，調味唔會太鹹，都唔錯。
金沙脆鱔
有金沙嘅菜式都實無死，炸過嘅鱔片脆卜卜，連同側邊嘅豆，每條都包裹著起沙嘅鹹蛋黃，好香好惹味，好似食緊炸魚皮咁，而且夠乾身，完全唔覺油膩😍😍
河塘金魚餃
造型好精緻🤩唔單止將魚形🐟嘅水晶餃整到似模似樣，下面仲有芡汁，模仿魚塘嘅效果，有心思。個皮好薄帶少許煙靭口感，餡料係滿滿嘅蔬菜粒，幾爽口。
香草黑椒安格斯牛柳粒
呢個就正正常常都唔錯。
竹影田色
造型同樣精緻，用竹笙包裹著芋頭南瓜等，唔止色彩繽紛，味道仲好好，一啖食到唔同口感層次😋
黑豚百里香焗餐包
餐包夠鬆軟，豚肉甜甜地同個包幾夾。
15年陳皮王子乳鴿
職員嘅推薦款式，乳鴿用陳皮嘅醬汁浸製而成，乳鴿肉唔會好嚡，不過唔夠嫩滑，食到淡淡陳皮香，如果陳皮味重啲就更好，而家嘅程度比較合家歡😂😂
花膠絲叉燒薑蔥撈麵
呢個就麻麻地😅麵質爽口，但花膠同叉燒份量實在太少喇，叉燒幼到好似牙籤咁而且得幾條仔，味道亦唔係特別出色，唔推薦🙈🙈
奉化香芋椰青奶凍
好在甜品好好食😋有個好嘅結尾，奶凍好滑而且食到淡淡椰子香味，面頭嘅芋頭蓉味道香甜，同奶凍好夾。
人均消費：$430
推介指數（10分為滿分）：7.5分
張貼
