影片
更多
2019-07-16
59 瀏覽
呢一間以夢為主題嘅餐廳，係我朋友強烈推介嘅，所以今日就去咗試。入到餐廳裏面嘅裝橫好夢幻， 裏面有好多同夢有關嘅裝飾，連餐牌都好似一本故事書咁，係一個好有主題嘅餐廳。我哋決定要在一個six course menu， 負責我哋嗰枱嘅服務員話我哋知係呢一個餐裏面會有兩道菜都係surprise dish，令我哋好緊張同雀躍。首先前菜係北海道蟹肉莎莎，配牛角包同法式麵包，我最欣賞係佢嘅牛角包烤到外脆內軟仲要自家製麵包味道好香。前菜係北海道帶子配豉油脆蟹， 呢度菜好有心思嘅係喺貝殼下面整嘅火堆例如火柴 同下面嘅火堆，都係用曲奇餅造成。 帶子味道鮮甜，豉油脆蟹就好似食零食一樣。另一道前菜係用龍蝦殼冚住嘅， 蛋餅配北海道蟹肉， 雖然呢一碟菜同龍蝦冇任何關連， 但係就好似打開寶藏一樣， 十分有驚喜蛋餅配師傅特製嘅醬汁味道一流。第三道菜就係用咗之前嘅龍蝦殼裏面嘅龍蝦 用慢煮方式煮成，龍蝦嫩滑多汁配埋芥末醬 味道層次好特別，師傅特別用咗三種唔同嘅醬汁去配搭呢度菜，十分有創意。第四度菜，特別用玫瑰露圍住鮑魚，然後侍應喺我哋面前點火， 將玫瑰嘅香味蒸發咗出嚟深入磯燒鮑魚裏面，然後再將鮑魚夾入預先整好嘅味噌湯配蘿
入到餐廳裏面嘅裝橫好夢幻， 裏面有好多同夢有關嘅裝飾，連餐牌都好似一本故事書咁，係一個好有主題嘅餐廳。
我哋決定要在一個six course menu， 負責我哋嗰枱嘅服務員話我哋知係呢一個餐裏面會有兩道菜都係surprise dish，令我哋好緊張同雀躍。
首先前菜係北海道蟹肉莎莎，配牛角包同法式麵包，我最欣賞係佢嘅牛角包烤到外脆內軟仲要自家製麵包味道好香。
前菜係北海道帶子配豉油脆蟹， 呢度菜好有心思嘅係喺貝殼下面整嘅火堆例如火柴 同下面嘅火堆，都係用曲奇餅造成。 帶子味道鮮甜，豉油脆蟹就好似食零食一樣。
另一道前菜係用龍蝦殼冚住嘅， 蛋餅配北海道蟹肉， 雖然呢一碟菜同龍蝦冇任何關連， 但係就好似打開寶藏一樣， 十分有驚喜蛋餅配師傅特製嘅醬汁味道一流。
第三道菜就係用咗之前嘅龍蝦殼裏面嘅龍蝦 用慢煮方式煮成，龍蝦嫩滑多汁配埋芥末醬 味道層次好特別，師傅特別用咗三種唔同嘅醬汁去配搭呢度菜，十分有創意。
第四度菜，特別用玫瑰露圍住鮑魚，然後侍應喺我哋面前點火， 將玫瑰嘅香味蒸發咗出嚟深入磯燒鮑魚裏面，然後再將鮑魚夾入預先整好嘅味噌湯配蘿蔔入面，蘿蔔已經煮到入曬味再配埋鮑魚， 鮮甜多汁。
五道菜亦係主菜，我哋分別叫咗佢嘅真鱈魚同 a4和牛， a4和牛就唔需要多講，鮮嫩多汁，再配埋師傅特製嘅醬汁，味道簡直一流，而且係特別用豆苗做配菜，都幾新鮮。
值得一提係真鱈魚，真鱈魚師傅做得真係好好個皮，外脆內軟， 魚烤得剛剛好，而且為咗方便我哋分碟，侍應上菜前特別為我哋控熱咗分碟用嘅碟，呢一方面真係好貼心。
六道菜亦都係最後一道菜就係甜品，甜品方面我哋有朱古力做主題嘅甜品，同以椰子做主題嘅甜品。 個人覺得朱古力味道香濃， 不過不失， 最出色嘅係椰子方面嘅甜品，佢特登用椰子mousse同朱古力脆皮做成椰子嘅形狀，再配埋橙皮，令到甜品甜得嚟唔太流亦都帶點點清新。
餐飲方面，唔同嘅花茶同咖啡可以揀，而我就要咗sweet memory. 朋友叫咗咖啡， 為呢一餐畫上完美嘅句號。
張貼
