影片
更多
2018-06-25
247 瀏覽
最近電視又出新一輯美女廚房，其中一位評判陳希裕Justin好吸睛，上網一睇原來佢有老撾皇族血統，又跟過米芝蓮大廚學廚，今年年頭係中環開左間餐廳，所以決定要黎試一試。地點餐廳位於翡翠中心，係正半山自動電梯底，非常方便，附近好多寫字樓，吸引左好多上班一族黎食lunch。裝修餐廳只有簡單裝修，有東南亞大排檔既原始風味。牆上貼左老闆既海報，亦都有不同既菜式名稱。枱同枱中間既空間都適中，唔會太迫。食物種類午市主食有老撾100%全米湯粉/老撾見求（飯）/老撾沙律，另外有幾款小食/老撾米紙卷，都有唔少款式。由於新店開張，午市主食附送熱飲，相信只係限時優惠。落單及等候時間午市都幾多人，可以電話訂枱，當日早上電話訂左兩位，但搵唔到我地個紀錄，店員都好快速係5分鐘內安排過另一張枱俾我地。我地點左老撾牛肉100%全米湯粉，老撾雞肉100%全米湯粉，老撾咖啡同南薑香茅水。老撾牛肉100%全米湯粉餐牌寫老撾湯粉有四種湯底，以為要揀，原來係每種唔同配料已經set 好跟咩湯底，牛肉湯粉係跟牛肉湯，老撾湯粉同平時食開既越南粉唔同，湯底濃味d，但唔算超重牛味，每碗湯粉有大概3-4塊牛肉同2-3粒牛丸，仲有豆卜等等材料，
地點
餐廳位於翡翠中心，係正半山自動電梯底，非常方便，附近好多寫字樓，吸引左好多上班一族黎食lunch。
裝修
餐廳只有簡單裝修，有東南亞大排檔既原始風味。牆上貼左老闆既海報，亦都有不同既菜式名稱。枱同枱中間既空間都適中，唔會太迫。
食物種類
午市主食有老撾100%全米湯粉/老撾見求（飯）/老撾沙律，另外有幾款小食/老撾米紙卷，都有唔少款式。由於新店開張，午市主食附送熱飲，相信只係限時優惠。
落單及等候時間
午市都幾多人，可以電話訂枱，當日早上電話訂左兩位，但搵唔到我地個紀錄，店員都好快速係5分鐘內安排過另一張枱俾我地。我地點左老撾牛肉100%全米湯粉，老撾雞肉100%全米湯粉，老撾咖啡同南薑香茅水。
老撾牛肉100%全米湯粉
餐牌寫老撾湯粉有四種湯底，以為要揀，原來係每種唔同配料已經set 好跟咩湯底，牛肉湯粉係跟牛肉湯，老撾湯粉同平時食開既越南粉唔同，湯底濃味d，但唔算超重牛味，每碗湯粉有大概3-4塊牛肉同2-3粒牛丸，仲有豆卜等等材料，口感十足。牛肉係厚切既，好似鮮牛肉既口感，牛丸就係普通牛丸，唔算特別。可惜食到最後既時候有一隻2cm 長仲有腳既小昆蟲浮左係碗湯上面，店員即時提議整過一碗俾我，但我已經食飽，同埋都無乜胃口，所以就婉拒了。
老撾牛肉100%全米湯粉
$78
26 瀏覽
0 讚好
0 留言
老撾雞肉100%全米湯粉
朋友食既雞肉湯粉係用白咖啡湯底，非常濃郁，雞肉份量都算多，亦都有豆卜等配料，但雞肉中間無乜味，如果可以醃一醃都好味d。
老撾雞肉100%全米湯粉
$68
28 瀏覽
0 讚好
0 留言
老撾咖啡
老撾咖啡
$17
20 瀏覽
0 讚好
0 留言
南薑香茅水
南薑香茅水
$17
17 瀏覽
0 讚好
0 留言
結論
老撾菜初嘗試，除左有小昆蟲外，其他食物同飲品表現都算中上，店員都主動waive 左牛肉湯粉既收費，係有誠意既表現，希望下次可以去試下晚市，睇下會唔會有驚喜。
張貼
