影片
更多
2017-11-30
1700 瀏覽
今日同胖侶去咗堅尼地城果邊睇日落， 拍下拖。 跟住就梗係做我哋最愛做嘅事： 周圍去覓好嘢食啦~行行下見到呢間帶有點點神秘，而又幾有情調嘅餐廳《Gastrobox the Union》，一於就入去試吓。同胖侶嗌咗個Dinner for two Set，每人都有4個courses。第一個course係開胃嘅沙律，【香芒蟹肉田園沙律】，本來以為呢個沙律望落好普通，點知就係越唔志在，越有意外..驚喜~~沙律面頭個蟹肉係鮮拆既唔在講，個鮮活既程度簡直高過坊間唔少crab cake， 一梳梳的蟹肉勁有口感， 味道非常鮮甜。沙律菜簡直新鮮，食落爽脆。連頭盤既沙律都認真同堅料成咁，值得一讚； 香芒同蟹肉簡直係100分嘅配搭，芒果酸酸甜甜，令人開胃。 而個沙律汁望落有少少似麻醬，但入口味道獨特，相信係經過特別調配，好味。餐湯係【黑松露野菌忌廉湯】，個湯一望落就知道用料十足。 面頭除咗佈滿住黑松露醬之外，仲可以飲到一粒粒嘅蘑菇茸喺個湯入面，絕對係用新鮮嘅野菌打蓉而成，絕非坊間罐頭忌廉湯溝水而成。每一口都充滿黑松露香氣， 令人陶醉 。忌廉加埋野菌嘅味道，係一個一百分嘅組合。主菜【香草大蝦忌廉汁扁意粉】，香草
行行下見到呢間帶有點點神秘，而又幾有情調嘅餐廳《Gastrobox the Union》，一於就入去試吓。
同胖侶嗌咗個Dinner for two Set，每人都有4個courses。
第一個course係開胃嘅沙律，【香芒蟹肉田園沙律】，本來以為呢個沙律望落好普通，點知就係越唔志在，越有意外..驚喜~~沙律面頭個蟹肉係鮮拆既唔在講，個鮮活既程度簡直高過坊間唔少crab cake， 一梳梳的蟹肉勁有口感， 味道非常鮮甜。沙律菜簡直新鮮，食落爽脆。連頭盤既沙律都認真同堅料成咁，值得一讚； 香芒同蟹肉簡直係100分嘅配搭，芒果酸酸甜甜，令人開胃。 而個沙律汁望落有少少似麻醬，但入口味道獨特，相信係經過特別調配，好味。
餐湯係【黑松露野菌忌廉湯】，個湯一望落就知道用料十足。 面頭除咗佈滿住黑松露醬之外，仲可以飲到一粒粒嘅蘑菇茸喺個湯入面，絕對係用新鮮嘅野菌打蓉而成，絕非坊間罐頭忌廉湯溝水而成。每一口都充滿黑松露香氣， 令人陶醉 。忌廉加埋野菌嘅味道，係一個一百分嘅組合。
主菜【香草大蝦忌廉汁扁意粉】，香草大蝦爽口彈牙， 蝦頭嘅蝦膏更是甘味十足，廚師細心將大蝦煎皮拆骨，令到食既時候倍添方便；意粉硬度啱啱好，係我最愛既al dente既口感；忌廉汁比起一般既更加濃稠，散發住香濃既忌廉同埋大蝦既香氣，特別鐘意佢面頭片片既巴馬臣芝士，連埋同炒既香菇，都令成個意粉生色不少。
另一主菜【烤特級新西蘭肉眼配紅酒燒汁】，嚟到我最期待既牛扒環節，牛扒未上枱經已飄嚟陣陣既肉香，即刻急不及待放一舊入口，牛扒牛味香濃，外皮被烤得微微焦脆， 大廚將medium熟度拿捏得相當之好， 肉質依然保持著粉嫩嘅紅色， 入口juicy相當多汁；飾演配菜既蘿蔔仔都唔野少，粒粒都異常咁清甜，加埋椰菜仔同埋薯蓉，又係令人滿足既一道。
最後就以一道簡單嘅甜品【雲呢拿雪糕】作結。 為今晚整頓豐富嘅晚餐劃上完美句號。
張貼
