LIFETASTIC (已結業)

今日約左個朋友去左香港大學站食dinner，「lifetastic」係我地首選餐廳。好鐘意餐廳環境夠chill又舒服，cafe形式經營，假日中午仲有brunch供應架！我地兩個女仔叫左兩個pasta，一人食一個唔使爭！我叫左明太子蟹肉忌廉意大利粉配原隻軟殻蟹，忌廉汁煮得夠黏，收水時間控制得非常好，每一口意粉都掛上滿滿濃郁的忌廉汁，明太子咸香濃郁，蟹肉絲絲份量好足夠！超驚喜是原隻軟殻蟹，炸得非常香脆香口，仲有蟹肉架！朋友叫左香檳忌廉汁牛油果雞脾肉意大利粉，牛油果醬整左牛油果花形，意粉賣相非常吸引，意粉掛上濃香醬汁，超滋味！雞脾肉非常爽嫩滑溜，煎香後煮成意粉另有一番味道！朋友大讚餐廳食物水準高，下次再約我黎食飯呀！