花見月 (已結業)

星期日訓到王朝百晏，太陽高高掛，四圍都咁熱，又無可能咁早放狗，我就提議揸車去科學園食個BRUNCH，始終地點比較隔涉，少了人群，多點空間，感覺好舒服。呢度有酒樓及多間中西美食，最後揀了花見月日本餐廳。可能係星期日，侍應送上餐牌時也有推介這裡的全日早餐，你搵啱人啦，我就係黎食全日早餐架啦除了全日早餐外，還有LUNCH SET及其他小食可供選擇點了老婆大人最愛嘅茶碗蒸，看似簡單的日式蒸蛋，其實要整得好食都唔容易架。而呢度嘅蒸蛋都算滑嘅，但份量太少，老婆大人仲話唔夠喉喎全日早餐未到前，我都叫左少少前菜，就係三文魚腩刺身啦呢度嘅三文魚腩刺身相當肥美，稍嫌不夠厚切，但三文魚腩上有很厚的脂肪層，很多人喜愛食佢就係鍾意呢份口感。我嘅全日早餐到啦，有日本廣島炒蛋、牛油多士、粟米、牛肉薯餅、雞骨腸、英國早餐腸、煙薰黑豚腸、明太子雞翼、野菜沙律及醬油野菌。款式多，就係全日早餐嘅象徵，感覺好豐富，好滿足的感覺。老婆大人就揀左澳洲和牛定食，雖說是和牛，但沒有入口即溶的口感，而且有點韌，可能煮過了火侯，可幸是牛味還是很濃，配上惹味醬汁，滿足味蕾。芒果牛乳:有芒果蓉，但份量比較少，牛乳很滑，奶味濃郁。凍愛爾蘭朱古