朗逸餐廳

營業中

休息中

之前去過呢間酒店食過中式炒粉麵， 印象非常不錯， 環境也舒服優雅。 今次決定再去光顧， 但試下西式。今次晏晝食lunch，比平時多人。 我點咗佢個西冷扒餐， 雖然餐單上面冇寫配飯意粉薯菜， 但其實你可以叫佢加， 唔會額外收費， 叫凍飲亦都係同價。 今次我叫咗薯菜， 嚟嘅唔係普通煎薯條， 而係三塊炸薯餅。一開始嚟嘅係南瓜湯， 雖然你見唔到有任何湯料， 但食落口非常濃郁細滑， 口感一流。一般平時去普通嘅西餐廳， 有陣時西冷扒會過份薄， 咬落口又好咸好硬。 但呢間餐廳嘅西冷扒出奇地厚身，肉感口感豐滿， 能夠保留住肉汁嘅鮮味， 切開嘅時候依然是淡淡的粉紅色， 保持到肉質嘅嫩滑。 本身都擔心份量太細，可能唔夠飽， 但食完啱啱好。 總括而言， 呢間餐廳嘅西式扒餐有很不錯的水準。