影片
更多
2021-08-24
422 瀏覽
美孚地鐵站一出行前兩個街口就會見到BEN哥米線，細細間店但人龍同外賣源源不絕。今次係沖住佢個好出名之一嘅綠悠悠嘅芫荽菠菜湯底。🍜 芫荽菠菜湯底米線 $49評分：★★★★☆一黎到已經見到個米線湯底好清綠同芫荽，啖湯飲落都幾清甜，有淡淡芫荽香，唔算係好濃郁，配埋個米線食都唔會話覺得好淡。巨多芽菜，食到尾都仲係啖啖米線加芽菜。個餸叫左豬潤同娃娃菜，豬潤爽得黎唔會好粉，食落唔會有陣味幾好；娃娃菜都幾多同清甜！對於唔食得辣既人，呢個湯底都係蕃茄以外嘅一個唔錯選擇！🍜 蕃茄湯底米線 $49評分：★★★☆☆湯底係偏濃稠，唔係好水個隻，所以食米線個陣都會掛到汁，湯底都重蕃茄味，但似係茄膏加蕃茄煮嘅，唔係純天然蕃茄隻味。餸叫左韓國魚蛋、雞肉，韓國魚蛋一大塊正正常常冇咩特別；雞肉份量多，唔會太鞋口，食落重胡椒味。🌶 麻辣墨魚咀 $40評分：★★★☆☆份量多，夠爽脆、新鮮！食到其中一舊有D墨魚嘅骨，冇清乾淨。麻辣味相對上失色，好普通嘅一PAT麻辣醬，唔夠惹味，冇咩特別，唔係必叫。🌟總括：芫荽菠菜湯底有驚喜，蕃茄湯底就正常，可能叫佢蕃茄酸辣湯底會好啲！餸就正正常常，但勝在價錢唔算貴下次要試埋其他特色湯底，例如
芫荽菠菜湯底米線
$49
29 瀏覽
0 讚好
0 留言
🍜 芫荽菠菜湯底米線 $49
評分：★★★★☆
一黎到已經見到個米線湯底好清綠同芫荽，啖湯飲落都幾清甜，有淡淡芫荽香，唔算係好濃郁，配埋個米線食都唔會話覺得好淡。巨多芽菜，食到尾都仲係啖啖米線加芽菜。個餸叫左豬潤同娃娃菜，豬潤爽得黎唔會好粉，食落唔會有陣味幾好；娃娃菜都幾多同清甜！對於唔食得辣既人，呢個湯底都係蕃茄以外嘅一個唔錯選擇！
蕃茄湯底米線
$49
23 瀏覽
0 讚好
0 留言
🍜 蕃茄湯底米線 $49
評分：★★★☆☆
湯底係偏濃稠，唔係好水個隻，所以食米線個陣都會掛到汁，湯底都重蕃茄味，但似係茄膏加蕃茄煮嘅，唔係純天然蕃茄隻味。餸叫左韓國魚蛋、雞肉，韓國魚蛋一大塊正正常常冇咩特別；雞肉份量多，唔會太鞋口，食落重胡椒味。
麻辣墨魚咀
$40
26 瀏覽
0 讚好
0 留言
🌶 麻辣墨魚咀 $40
評分：★★★☆☆
份量多，夠爽脆、新鮮！食到其中一舊有D墨魚嘅骨，冇清乾淨。麻辣味相對上失色，好普通嘅一PAT麻辣醬，唔夠惹味，冇咩特別，唔係必叫。
🌟總括：
芫荽菠菜湯底有驚喜，蕃茄湯底就正常，可能叫佢蕃茄酸辣湯底會好啲！餸就正正常常，但勝在價錢唔算貴下次要試埋其他特色湯底，例如藥膳麻辣米線。
張貼
