影片
更多
2019-09-04
396 瀏覽
今日同一個住荔景嘅朋友食飯，一直都知荔景係美食沙漠，所以我哋就揀咗喺美孚食，最後揀左呢間有二人餐嘅日本料理小店，估唔到好友驚喜。可能呢間鋪頭喺美孚已經稍有名氣，我哋都等左大約15分鐘先入到座。喺門口我哋已經決定咗我哋要食呢個大阪二人前。佢仲有其他更加貴嘅餐叫，不過我哋就想試咗呢個平啲先。頭盤蟹子沙律，好難得有蟹子沙律嘅蟹柳份量係咁足，每啖都係蟹柳肉，唔會得青瓜絲好水，呢個頭盤好好味。二人前刺身拼盤呢個刺身拼盤一共有五款刺身，五款都食得出好新鮮，師傅嘅刀工亦都唔錯。當中我最鍾意佢嘅赤貝，好鮮甜。章紅魚同埋大甜蝦亦都唔錯。另外佢會跟兩個湯，不過有啲奇怪兩個湯嘅內容有啲分別，但都冇乜所謂啦因為都係正常嘅麵豉湯 haha鹽燒三文魚鮫呢個位置不嬲都係比較多油脂，佢咁啱俾我哋呢幾件仲要係腩位嘅側邊，油脂真係好豐富而且好香。呢個燒魚好適合送飯，而且份量都唔少，有成4件。二人前壽司拼盤壽司拼盤一共有八件，一人可以分到四件。有兩件鰻魚卷我哋特別欣賞，入面有牛油果，鰻魚都好厚好好味，其餘壽司都食得出係新鮮。醋飯嘅粘度控制得唔錯。天婦羅拼盤加冷烏冬其實平時我哋都好鍾意食呢個配搭，但係食到呢度我哋已經覺得好飽
可能呢間鋪頭喺美孚已經稍有名氣，我哋都等左大約15分鐘先入到座。喺門口我哋已經決定咗我哋要食呢個大阪二人前。佢仲有其他更加貴嘅餐叫，不過我哋就想試咗呢個平啲先。
頭盤蟹子沙律，好難得有蟹子沙律嘅蟹柳份量係咁足，每啖都係蟹柳肉，唔會得青瓜絲好水，呢個頭盤好好味。
二人前刺身拼盤
呢個刺身拼盤一共有五款刺身，五款都食得出好新鮮，師傅嘅刀工亦都唔錯。當中我最鍾意佢嘅赤貝，好鮮甜。章紅魚同埋大甜蝦亦都唔錯。
另外佢會跟兩個湯，不過有啲奇怪兩個湯嘅內容有啲分別，但都冇乜所謂啦因為都係正常嘅麵豉湯 haha
鹽燒三文魚鮫
呢個位置不嬲都係比較多油脂，佢咁啱俾我哋呢幾件仲要係腩位嘅側邊，油脂真係好豐富而且好香。呢個燒魚好適合送飯，而且份量都唔少，有成4件。
二人前壽司拼盤
壽司拼盤一共有八件，一人可以分到四件。有兩件鰻魚卷我哋特別欣賞，入面有牛油果，鰻魚都好厚好好味，其餘壽司都食得出係新鮮。醋飯嘅粘度控制得唔錯。
天婦羅拼盤加冷烏冬
其實平時我哋都好鍾意食呢個配搭，但係食到呢度我哋已經覺得好飽。所以我哋主力食咗天婦羅，烏冬食咗幾啖就算lu！天婦羅蝦值得一讚，炸粉冇難聞既油益味，蝦肉亦都好結實，食得出係新鮮大蝦。而其餘嘅蔬菜天婦羅，我哋就特別鍾意南瓜同蕃薯。
不過值得一提嘅係，個冷烏冬如果可以控制軟硬度好啲，咁就會更加Perfect。而家個冷烏冬略嫌有少少林，如果彈牙翻啲就更好。
飯後甜點係兩份好甜嘅蜜瓜，不錯！
買單兩個人$427 ，但係我同朋友一致認為，如果以我哋女仔食量，呢個餐其實係夠三個人一齊食。咁樣計嘅話其實呢間餐廳性價比真係好高，會推介比住喺美孚或者附近嘅朋友
張貼
