影片
更多
2018-06-24
356 瀏覽
端午節公眾假期，難得約到另一對好友食飯就一早決定要食返餐好，就返朋友居住既地方，就約左紅磡蕪湖街一間酒店入面既美式餐廳Moreish &Malt! 餐廳既佈置同我去美國旅行時既美式餐廳大致一樣，空間同樣寬敞，待應亦一樣的熱情服務好，經理Kumar服務超貼心，亦俾左好多建議我哋，我有一d去左美國的感覺！經理好貼心送上暖暖的油醋包，等我哋熱熱身，開下胃！野食未到，飲品率先出場！ 我就叫左杯classis Mojito!冧酒成份適中，最怕冧酒太濃或太淡，影響左薄荷同檸檬汁既味道！呢杯就每樣都處理得好好，薄荷葉非常新鮮，每啖都會啜到清新既薄荷味！我朋友杯荔枝mojito就多了一份甜甜酸酸既味道！呢兩杯係另外兩位叫既飲品，賣相都幾吸引！不過我就無試飲！餐廳服務好之外，上菜效率都幾高，飲品到左無耐，小食拼盤已經送到 水牛城辣雞翼，炸墨魚條，牛油果蟹肉多士樣樣都好吸引，我先食左辣味香濃既水牛辣雞翼，辣汁滿滿覆蓋整隻雞翼，d辣味係食落慢慢滲出嚟，食完最好整返條清新既西芹，咁就唔會太辣！尤魚條炸得外面香脆，入面有咬口，蒜香配上鮮甜既尤魚味，又係一個唔錯既配搭！而個牛油果多士，我哋分左俾兩位女士食，佢哋
餐廳既佈置同我去美國旅行時既美式餐廳大致一樣，空間同樣寬敞，待應亦一樣的熱情服務好，經理Kumar服務超貼心，亦俾左好多建議我哋，我有一d去左美國的感覺！
經理好貼心送上暖暖的油醋包，等我哋熱熱身，開下胃！
野食未到，飲品率先出場！ 我就叫左杯classis Mojito!冧酒成份適中，最怕冧酒太濃或太淡，影響左薄荷同檸檬汁既味道！呢杯就每樣都處理得好好，薄荷葉非常新鮮，每啖都會啜到清新既薄荷味！我朋友杯荔枝mojito就多了一份甜甜酸酸既味道！
呢兩杯係另外兩位叫既飲品，賣相都幾吸引！不過我就無試飲！
餐廳服務好之外，上菜效率都幾高，飲品到左無耐，小食拼盤已經送到 水牛城辣雞翼，炸墨魚條，牛油果蟹肉多士樣樣都好吸引，我先食左辣味香濃既水牛辣雞翼，辣汁滿滿覆蓋整隻雞翼，d辣味係食落慢慢滲出嚟，食完最好整返條清新既西芹，咁就唔會太辣！
尤魚條炸得外面香脆，入面有咬口，蒜香配上鮮甜既尤魚味，又係一個唔錯既配搭！
而個牛油果多士，我哋分左俾兩位女士食，佢哋都話好食，牛油果味香，又滑！
小食拼盤未食完，兩個pasta都已經送到！
先有煙燻意大利風乾肉卡邦尼闊蛋麵，賣相吸引，香滑既忌廉汁，配上煙韌既闊蛋麵，加埋有咬口既風乾肉碎，真係令我哋流晒口水~
再嚟香煎帶子雜菌忌廉意大利飯，兩隻帶子大大隻，又鮮甜，義大利飯做得有咬口唔會爛，忌廉汁滲入晒義大利飯當中，我會撈埋嗰片煎香左既芝士片嚟食，令到個飯更惹味，一人幾啖就剛剛好，食得太多反而會滯
食完pasta, 經理推介既主菜亦都係時間出場！大大塊燒美國肉眼扒，份量十足，4人享用亦無問題，油脂味香，肉汁豐富，外面煎得帶點焦香，内裡肉質嫩滑！
燒美國肉眼扒
8 瀏覽
0 讚好
0 留言
最後出場既主菜，燒紐西蘭羊架(半份), 價錢係整餐入面最貴既菜式，但亦到係成晚最好食，質素最好既菜式，好耐都未食過咁嫩滑既羊架，經理建議既7成熟，恰到好處，淡淡既鮮紅色羊肉格外吸引，骨肉一咬即分離，肉汁豐富，唔需要點燒汁都無問題！配埋d酸椰菜嚟食，真係美食中既美食！
燒紐西蘭羊架(半份)
12 瀏覽
0 讚好
0 留言
食物份量真係同美式餐廳差唔唔多，食晒d野食其實都已經好飽，不過我哋都對佢d甜品異常有興趣，有人想食豆腐芝士餅，我就想食朱古力芝士餅，兩位女士都想食合桃蜜糖芭菲，為左一次個滿足晒各人需要，我哋叫左個甜品拼盤嚟share!咁樣每人都可以食到餐廳各種招牌甜品！
3款餅底都做得出色，豆腐芝士餅，真係好似食緊豆腐咁，不過芝士味好濃郁，加埋d合桃碎，又硬又軟口感一流！
而特濃朱古力芝士餅就真係令我回味！朱古力味出色，又唔會太甜，夾埋面層實淨既芝士蛋糕，喺口中交錯不斷！
呢餐真係好滿足，我哋邊食邊傾計，食左兩個幾鐘，又係一個愉快既晚上，希望再有機會嚟到呢度再食返餐！
張貼
