Mr. Crab by The Captain's House (已結業)

餐廳有兩層，行上樓梯時，有隻大大八爪魚🐙歡迎你光臨，樓上都有同海洋有關嘅佈置。牛油果蟹肉拿破崙$138牛油果有濃郁的果香和奶油味道，而蟹肉鮮嫩多汁，入口嘅酥皮鬆軟，酥皮令這道菜更有層次感。Combo A$418可選三種海鮮蜆、魷魚、鮑魚仔。亦可揀選你喜愛的囗味我揀咗招牌辣汁。海鮮用袋入住，店員將辣汁同海鮮shake shake，當打開個袋，望住眼前嘅海鮮，就已經好想食，入面重有薯仔同粟米，海鮮夠彈牙又夠滋味。意式肉醬闊條麵肉醬帶濃郁嘅蕃茄酸甜香味，而闊條麵質感彈牙之外，更能吸收肉醬味道，闊條麵包裹滿滿的肉醬汁，層次感豐富。美式蘋果批先食到酥脆嘅批皮外層，之後嚐到帶有香氣的蘋果果甜味和酸味，再搭配曲奇味雪糕的冰涼口感，兩者對比下，又有鬆脆的蘋果批又有冰涼雪糕，感覺有趣。