Texas Burger (已結業)

以美國州份命名嘅餐廳，當然係追求美國地道嘅食物，以及美國餐嘅portion啦。餐前先有呢份脆炸洋蔥圈、即叫即炸，淨係聞香味已經夠晒吸引，洋蔥圈金黃，炸漿唔算厚，再配合呢杯清新嘅Tropical Forest奶昔，用上芒果、石榴、熱情果等鮮果，去除油膩感夠晒有效。接著呢份BBQ ribs，份量絕對比其他餐廳大，2人份量都好夠食，而且味道仲要好好，BBQ醬唔會太濃太咸，剛剛好令到肉同埋骨都入到味，非常之惹味! Ribs嘅肉仲要軟捻，易於切落嚟同人分享，值得推介。