Burgeroom (美麗華廣場1期) (已結業)

離遠被門口大大個霓虹燈吸引住，見係美式burger🍔，就自自然然走入餐廳。餐廳走工業風格，以車軚、掛畫、牆身塗鴉裝飾，型型地，配上burger 都好合適😎。提供嘅burger 選擇好多，除咗牛、雞、魚，重有廣島蠔同埋帶子漢堡，幾特別🤩🐮特量芝士牛肉漢堡🐥大烤菇雞柳漢堡餐廳細心將漢堡一分為二，食得無咁論盡之餘，又可以同朋友share口味👏兩個burger份量十足。特量芝士猶如瀑布，而牛肉係厚厚嘅，見到都開心。大烤菇又夠香，雞扒亦大大塊，真係飽肚滿足😋🍟牛油果醬芝士薯條外面較少見配搭牛油果醬，所以order一試。醬料同芝士份量都唔少，所以薯條要趁熱食，以便變淋💨