美心西餅 (銅鑼灣站)

營業中

休息中

新年訂左個蛋糕慶祝，唔想食新年造型既款式，揀左個穩穩陣陣又想試好耐既鮮果脆脆蛋糕。鮮果脆脆蛋糕 正價 $436鮮果脆脆蛋糕有三層海綿蛋糕，中間夾住一層朱古力脆脆餅底，再夾住新鮮水果包括芒果，士多啤梨同奇異果。上面放左大量新鮮士多啤梨，芒果同藍莓。最少要2磅，直徑約8吋。奇怪既地方係大粒新鮮士多啤梨既下底最尖尖部分係全部都切走左，真奇怪。味道方面，水果真係好多，而忌廉唔多，所以唔太膩，除左奇異果切得奇怪地太大件同好生之外，其他水果都正常，士多啤梨勁多都唔差。朱古力脆脆濕左，所以唔太脆，不過美心質素應該都係咁上下。海綿蛋糕正常哋軟綿綿。加朱古力牌就好奇怪，加正喺蛋糕上面嘅中間對上。勉強俾個ok。