美心西餅 (銅鑼灣站)

營業中

休息中

極品金脆 $198一向都鍾意食金莎朱古力，見到美心西餅呢款新產品就試試。官方資料：極品金脆以經典Ferrero Rocher金莎朱古力為靈感，外層朱古力杏仁碎脆皮，配搭內層黑朱古力慕絲、魔鬼忌廉及軟滑朱古力榛子醬，蛋糕造型獨特，還原品嚐朱古力真實口感。外層朱古力杏仁碎脆皮包住朱古力海綿蛋糕，主體有黑朱古力慕絲，原味海綿蛋糕，朱古力海綿蛋糕，中間有朱古力脆脆粒。食落朱古力慕絲特別滑又濃朱古力味，我都鍾意個朱古力杏仁碎脆皮，海綿蛋糕就麻麻地，不過可以平衡朱古力既油膩感，如果榛子味濃d就更加似金莎朱古力。呢個蛋糕四個人分啱啱好，賣相都唔錯，呢個價錢算係咁。隨蛋糕會附送一條金莎朱古力(3粒裝)，唯一可惜係咁快就送嗮金莎朱古力一包三粒裝。