影片
更多
2010-02-17
68 瀏覽
16-2-2010本身無刻意挑選米芝蓮餐廳食飯的習慣或特殊僻好, 不過都幾好奇車軚人的心水中菜係乜嘢一回事, 是日到 C 氏家庭拜年, 晚飯「黐餐」由主人家帶路嚟到公司附近的「一粒星」食店, 仲叫埋 4 位「米芝蓮套餐」($3xx per head, exact amount 不明) 濃湯雲吞排翅: 即「豪華」版「砂鍋雲吞雞走雞」? 湯底呈米白色, 火喉十足, 飲落沉厚鹹鮮, 帶金華火腿濃香, 正! 魚翅份量好多, 咬口十足; 雲吞就係川菜的「抄手」, 細細隻, 餡料只有豬肉, 不過都幾鮮甜, 雲吞皮薄薄滑滑, 幾討好. 整體係十分出色的一個湯, 值得試試.雲影翠玉: 用杯仔 serve, 由上至下 4 層分別係(面頭有燕窩的)大蝦, 雞湯, 蛋白及南瓜茸再蒸熟, 賣相勁似甜品 隻蝦好大, 食落爽脆結實, 鮮味亦突出; 下面的蛋白配上雞湯, 滑溜之餘多了一份鹹鮮, 而同底部幼滑清甜的 pumpkin puree 一齊食, 少少鹹少少甜加埋又幾夾, 好睇又好食 據聞呢味係得獎菜式, 又果然並非浪得虛名, 值得試試.皇室貴族牛柳: 奉上刀叉, 又奉上了芥辣及茄汁配
本身無刻意挑選米芝蓮餐廳食飯的習慣或特殊僻好, 不過都幾好奇車軚人的心水中菜係乜嘢一回事, 是日到 C 氏家庭拜年, 晚飯「黐餐」由主人家帶路嚟到公司附近的「一粒星」食店, 仲叫埋 4 位「米芝蓮套餐」($3xx per head, exact amount 不明)
濃湯雲吞排翅: 即「豪華」版「砂鍋雲吞雞走雞」? 湯底呈米白色, 火喉十足, 飲落沉厚鹹鮮, 帶金華火腿濃香, 正! 魚翅份量好多, 咬口十足; 雲吞就係川菜的「抄手」, 細細隻, 餡料只有豬肉, 不過都幾鮮甜, 雲吞皮薄薄滑滑, 幾討好. 整體係十分出色的一個湯, 值得試試.
雲影翠玉: 用杯仔 serve, 由上至下 4 層分別係(面頭有燕窩的)大蝦, 雞湯, 蛋白及南瓜茸再蒸熟, 賣相勁似甜品 隻蝦好大, 食落爽脆結實, 鮮味亦突出; 下面的蛋白配上雞湯, 滑溜之餘多了一份鹹鮮, 而同底部幼滑清甜的 pumpkin puree 一齊食, 少少鹹少少甜加埋又幾夾, 好睇又好食 據聞呢味係得獎菜式, 又果然並非浪得虛名, 值得試試.
皇室貴族牛柳: 奉上刀叉, 又奉上了芥辣及茄汁配牛柳, 乜中菜西食成咁 據聞呢味用上 Angus 牛柳, 肉味夠香濃, 醃得帶點甜, 不過「中式」始終薄切又煎得太 "well-done", 還是「血腥」一點的西式做法較啱口味 仲有幾件炸洋蔥圈, 不過粉多過乜又食到滿口油, 可以不試.
蠔汁百靈菰翡翠: 鮑魚菇「扣」(?) 得入味, 唔會「水 deh deh」, 食落爽身帶蠔油的甜, 幾好食; 溫室豆苗就係我最喜歡的蔬菜之一, 索滿蠔油食落清爽無草青味, 半分鐘就清碟
糯米釀雞翼: 肥大飽滿, 雞皮薄脆唔油膩, 雞肉較乾硬, 內藏臘味的糯米飯就乾身亦香口, 不過整體我覺得好似乾身得滯 (?), 食食吓不自覺不斷飲茶...
蛋白杏仁茶: 杏仁露滑如牛奶, 杏味輕輕的, 我本身唔喜歡杏味, 所以呢個反而啱晒我 粒粒蛋白亦滑, 仲竟然好有蛋白香 , 結果又飲晒.
食物很不錯, 環境亦好, 燈光昏暗靜靜的, 好坐又食得舒服; service 就反而一般, 都未食完 waitress 們就急不及待收晒我哋 d 刀叉 / 碗碟, 真係
連加一每人 300 幾 400 蚊 (下列的係約數, 我都唔知 per head 幾多錢...), 又要多謝 C 氏伉儷請食飯 , 下次我請啦.
張貼
