肉浦團火鍋放題

營業中

休息中

打唔成風，好想同朋友去食餐好，就提意去打邊爐。因為大家都比較鍾意食肉，朋友就提意去旺角既肉浦團火鍋放題。上到去見到門口已好有趣，好多港產片主題既設計。見佢既湯底，冇諗過有咁多選擇，有成8款。最後簡左M5M8和牛set, 睇落都好豐富。個湯黎到已好香，雞件係自己落，不過好大件。我首先試左個湯先，好鮮味，藥膳同酒既比例好夾，唔會太濃太嗆，可以先飲湯再打。而且雞都好嫩滑，就算煲耐左都唔會硬。呢個set主打和牛，更係要叫左先。 片得好薄好靚，仲好新鮮，放落湯都唔會痴到一舊舊，仲係成塊成塊夾得返。而佢既蔬菜區，丸類都有好多選擇。最緊要佢連漿料區都好乾淨，好抵讚。由於大家一坐底就勁點野食，到最後，店員竟問我地要唔要甜品，有雪糕同芝士蛋糕。因之前冇為意唔知有甜品，然後雪糕竟然仲係haagen Dazs, 真係超surprise, 真係食得好開心。