影片
更多
2010-07-21
47 瀏覽
19/07/2010 上午 11:15 左右, Thxdtsdd 及太太黎到深水埗添好運點心專門店吃午餐, 準備試一下平價美芝蓮級既食物. 當時冇人等位, 即刻可以入座, 不過座位都幾逼.我地馬上睇只有一張咁大把既點心紙, 選擇並不多, 不過唔緊要, 最緊要食物好食就得. 大排檔式茶壺, 只有獨沽一味的普洱菜, 每位 $2, 味道都 ok 啦, 起碼 d 茶唔會濃到苦.落左 order 後, 等 5-10 分鐘就有點心上檯了. 先來黃沙豬潤腸, 腸粉皮又薄又滑, 加埋細細塊既豬潤腸, 好好食! Thxdtsdd 之前都係廣州食蓮香樓食過豬潤腸, 都唔夠添好運好食!豉汁蒸鳳爪, Thxdtsdd 賣相, 顏色好靚, 豉椒味都好好, 鳳爪又夠淋, 最重要係唔會煮到 d 皮都甩埋, 值得一讚!晶瑩鮮蝦餃, 皮都幾薄, 蝦幾新鮮, 大致不錯!煎臘味蘿蔔糕, Thxdtsdd 及太太都覺得好吃, 幾足蘿蔔, 唔會只係一舊粉, 不過就冇咩臘味了.古法糯米雞, 大大隻, 幾抵食. 燸米比其他酒樓軟熟, 好吃, 餡料都幾足, Thxdtsdd 收貨了.最後黎既係酥皮焗叉燒包, Thxdtsdd 覺得
落左 order 後, 等 5-10 分鐘就有點心上檯了. 先來黃沙豬潤腸, 腸粉皮又薄又滑, 加埋細細塊既豬潤腸, 好好食! Thxdtsdd 之前都係廣州食蓮香樓食過豬潤腸, 都唔夠添好運好食!
豉汁蒸鳳爪, Thxdtsdd 賣相, 顏色好靚, 豉椒味都好好, 鳳爪又夠淋, 最重要係唔會煮到 d 皮都甩埋, 值得一讚!
晶瑩鮮蝦餃, 皮都幾薄, 蝦幾新鮮, 大致不錯!
煎臘味蘿蔔糕, Thxdtsdd 及太太都覺得好吃, 幾足蘿蔔, 唔會只係一舊粉, 不過就冇咩臘味了.
古法糯米雞, 大大隻, 幾抵食. 燸米比其他酒樓軟熟, 好吃, 餡料都幾足, Thxdtsdd 收貨了.
最後黎既係酥皮焗叉燒包, Thxdtsdd 覺得好好食, 特別係酥皮甜甜地, 又香口! 雖然包仔細細, 但叉燒餡料都好足, 正! 大家一定要試試啊!
今餐埋單要 $91, 唔算貴, 食物真係唔錯, 比一般酒樓好, 不過服務就真係麻麻了, 侍應又"論盡", 先整跌 Thxdtsdd 太太的筷子, 再幾乎整跌對面同座既食客的筷子, 而且清潔檯面又馬虎, 呢 d 都絕對要改善既地方.
我地走既時候大約 12:15, 已經有幾多人等位了. 下次 Thxdtsdd 黎吃點心, 都要早 d 先!
相片可參考:
http://hk.myblog.yahoo.com/thxdtsdd/article?mid=4066
張貼
