影片
更多
2017-02-06
1354 瀏覽
小時候我經常奇怪點解爸爸總係喜歡食中菜，人大了，開始對西餐無咁大興趣，漸漸愛上中菜的千變萬化，久而久之，而家同朋友相聚，中菜經常成為我地聚腳之地一睇咁大張吧枱，就知呢度提供大量酒精，咁我地可以係度飲番兩杯，提高情緒餐廳空間感十足，一大班朋友想要私人空間有PRIVATE ROOM，就算坐出面都唔會有好焗束的感覺很喜歡這裡散發著傳統中式味道的裝潢正如頭先估計一樣，呢度有好多特色COCKTAIL，點選餐牌上的食品，就可以優惠價$20配無酒精飲品或$50配酒精飲品，COCKTAIL的名稱只有單字，很有戰國時的感覺店舖有幾樽很大的醃製品，分別係門口用白醋及吧枱上用黑醋醃的豆和蒜，有需要可以叫店員安排試食，我地試左黑醋豆，食落真係酸味十足戰 ($50)「戰」係兩碗上的，店員同我地講古人係會碰杯後整碗乾到底，碰杯我地當然會跟足，碰的一刻覺得自己變左將軍一樣，用碗飲夠晒霸氣，今晚目的不是賣醉，所以都係一路傾一路飲比較適合「戰」係由竹葉青、GIN、DRY VERMOUTH、TEQUILA、LIME JUICE、GINGER SYRUP、GINGER BEER組成，唔好睇佢用左咁多高酒精的酒，其實好易入口
一睇咁大張吧枱，就知呢度提供大量酒精，咁我地可以係度飲番兩杯，提高情緒
餐廳空間感十足，一大班朋友想要私人空間有PRIVATE ROOM，就算坐出面都唔會有好焗束的感覺很喜歡這裡散發著傳統中式味道的裝潢
正如頭先估計一樣，呢度有好多特色COCKTAIL，點選餐牌上的食品，就可以優惠價$20配無酒精飲品或$50配酒精飲品，COCKTAIL的名稱只有單字，很有戰國時的感覺
店舖有幾樽很大的醃製品，分別係門口用白醋及吧枱上用黑醋醃的豆和蒜，有需要可以叫店員安排試食，我地試左黑醋豆，食落真係酸味十足
戰 ($50)「戰」係兩碗上的，店員同我地講古人係會碰杯後整碗乾到底，碰杯我地當然會跟足，碰的一刻覺得自己變左將軍一樣，用碗飲夠晒霸氣，今晚目的不是賣醉，所以都係一路傾一路飲比較適合
「戰」係由竹葉青、GIN、DRY VERMOUTH、TEQUILA、LIME JUICE、GINGER SYRUP、GINGER BEER組成，唔好睇佢用左咁多高酒精的酒，其實好易入口，有淡淡薑味
伴菜係今晚發揮好大作用，用黎佐酒適合不過
白切黑豚肉粉皮 ($68)黑豚肉薄切，滑滑的粉皮墊底，食之前連同酸酸甜甜的醬汁整碟拌勻，很好的開胃菜
七里香醉乳鴿 ($98)醉雞食得多，醉乳鴿都真係第一次，乳鴿比起雞皮下脂肪瘦得多，甚至可以話係無脂肪，肉亦相對較嫩，比較健康
薺菜魚羹 ($38)湯是我的最愛，對我來說食中菜是不能不點的，薺菜魚羹就是簡簡單單的用上薺菜及魚，再打個蛋白花，清清地暖下胃很不錯
外婆紅燒肉 ($58)點解會叫外婆紅燒肉呢!? 吃過之後我估計係因為呢道菜係十分媽媽的味道，五花腩已經炆到好淋及入味，多餘的油脂已經係炆煮的過程流失，淨下的只有油香
辛辣水煮桂魚片 ($98)桂魚片煮得剛好熟透，起晒骨啖啖肉，雖然係水煮菜色，但食落香多於辣，有水晶粉拌底
羅春閣爆汁生煎包 ($58)上枱時店員提醒要小心湯汁燙嘴，再睇睇下碟生煎包，有一小提示牌夾係度再三提醒「小心燙嘴」，既然講到咁嚴重，我地就梗係擺一陣先食啦，等左10分鐘後我就咬一小口，果然即刻爆汁，而且都仲係頗熱，好彩經再三提醒，如果唔係一定會被燙，生煎包鐵板咁上夠晒熱同保溫，食落外脆內軟
老北京牛肉捲餅 ($48)呢個幾抵食，$48有3大件，牛肉係好瘦薄切的那種，配上大量蔥段及青瓜絲，由熱辣辣軟熟捲餅包住，出奇的簡單又美味
呢度有好多中式甜品提供，由於我地已經食到好飽，就簡單叫少少SHARE試下食啦
舊桑寄生茶 ($22, 加蓮子及蛋 各$5)桑寄生蓮子蛋茶係行氣活血、滋陰養顏的佳品，仲有有安胎、降血壓等療效，岩晒女士飲用，蛋相信已經浸左一段時間，有點似鐵蛋，唔好睇呢碗野咁深色成碗涼茶咁，其實入口甜甜地，一點都唔苦
吾是南瓜 ($48)賣相好精緻的南瓜團，忍唔住幫佢影完一張又一張的相，當然最後都要忍心放佢落我個肚，一口咬下一半，外層煙煙韌韌，內裡係不太甜的紅豆蓉
時刻要記住人生不只有工作，時光飛逝，要好好把握每一分，最緊要盡情玩樂!! (其實係自己太貪玩!?)
張貼
