木子居酒屋

營業中

休息中

最近肥雞係大圍發掘到一間居酒屋，覺得好啱鍾意食日本野嘅朋友仔，首先講下居酒屋入面嘅裝修，由外到內都沿用實木傢俬，比人一種日本當地傳統居酒屋嘅感覺，一行門口就有幾位著日式制服嘅後生仔女用純正日文 こんにちは(你好!)，然後就會睇到餐廳入面牆身放滿日本清酒，位置可以選擇坐係bar枱睇師傅整壽司切魚生 或者坐榻榻米 如果有多過4位仲有細房坐添~睇得出居酒屋係佈置同埋迎接客人嘅用心，好似真係去左日本嘅居酒屋咁！話明居酒屋,點可以唔飲下佢出名嘅酒呢？肥雞飲左梅酒生啤同埋柚子sake, 味道入口即融, 甜甜地之餘無沖淡到酒嘅果味,平時少飲酒嘅肥雞都飲得好滋味! 現場嘅所有食材都係即叫即整,但又唔會等太耐, 第一道菜式係深海池魚薄切, 新鮮空運到港嘅深海池魚配埋wasabi同埋特制柚子醬油, 再飲翻啖柚子sake, 加上池魚刺身嘅薄度啱啱好,唔會太肥膩! 第二道係胡麻豆腐蕃茄沙律,沙律菜配搭涷豆腐有種fresh嘅感覺,加上胡麻醬,清新爽口啦,食完即刻胃口大開!第三道係阿波尾雞翼, 聽店員介紹呢度嘅雞翼係來自放養嘅阿波尾雞,雞肉一啲激素同抗生素都無,可以放心食用,隻燒雞翼外脆內熱,彈性同肉感十足仲好香