Fjaka (已結業)

Fjaka既門口近乎漆黑一片，只有幾盞橙光既牆燈同霓虹燈Logo，徬如進入一個神秘迷幻既國度。室內亦延續神袐既氛圍，燈光同樣較昏暗，令人有種寬鬆舒適既感覺😌至於室外區域就截然不同，出面設有鞦韆座位。不過隔離有一把大風扇，有時候都幾嘈🤣- 紀之川海膽吐司海膽配吐司呢個配搭有驚喜，另外加左黑魚籽作點綴。整體味道非常平衡，如果上面既海膽多少少就正啦😍- 韓式炸雞配辣醬及蛋黃醬炸雞唔算太脆，不過雞件份量好多，配搭Cocktail一流。另外配有泡菜同沙律菜。- 香烤M5澳洲和牛（300g)M5澳洲和牛有水準，餐廳預先幫我哋切開一件件，橫切面呈現出吸引既紅色，肉味香濃多汁，配上簡單既芥末醬已經足夠💯- 特濃芝士意式火腿忌廉蜆殼粉賣相平平無奇，不過食落蜆殻粉非常creamy，芝士份量多到可以拉絲。- The Firmament 酒既成份主要有Gin同白酒，而且有甜既成份包括蘋果汁同菠蘿汁，可惜飲落完全無味。- Rise to Shine 唔好睇呢杯咁細，酒味非常重帶少少甜味。除左酒精飲品，餐廳仲有提供Shisha，以後星期五happy hour又多一個好去處。