新蒸武門 (已結業)

呢晚唔想煮飯，去左老公同事介紹的一間樓上中菜餐廳試下~ 裝潢好吸晴，以竹同紅色為主，好容易搵~ 菜式方面都有唔少選擇，仲有二人、三人、四人餐， 岩晒有選擇困難症的我，我地就選擇左二人餐， 但我覺得份量足夠三個大人食~ 首先店員送上一杯<八寶茶>，個杯好中國風格~ 一打開散發淡淡的甘甜香味， 原來入面有杞子、菊花、紅棗、桂圓等等，非常豐富~ 二人餐有冷盤、湯、主菜、飯等共8樣: <涼伴皮蛋豆腐> 皮蛋香、豆腐幼滑，我最鍾意個醬汁，非常惹味又開胃~ 是日燉湯＜松茸節瓜螺片燉雞湯＞，用燉樽上， 湯好清甜，材料足，飲完覺得好滋潤～ <冰鎮鮑魚配拌三絲 > 三絲有紅蘿白、合掌瓜、大豆芽， 原隻鮑魚口感煙韌 ＜乾燒明蝦＞ 大大隻的蝦夠非常入味，蝦肉肥美彈牙 ＜荷葉香菇蒸雞＞ 散散淡淡荷葉的清香， 雞肉吸收了當中的精華，鮮嫩幼滑～ ＜籠仔斑頭腩＞ 平時我唔多食魚，不過呢味蒸斑頭腩完全冇魚腥味， 魚肉幼滑，下面仲有老公最愛的粉絲～ ＜濃湯杞子浸菜＞ 煮菜的的湯都好濃，用心製作 ＜蝦仁鮑絲炒飯＞ 蝦仁新鮮彈牙，飯炒到乾濕岩岩好 雖說係