影片
更多
2022-11-19
105 瀏覽
今晚黎左同事介紹既餐廳，高質得黎價錢又唔太貴，CP值非常高。季節精品先付三點首先上既係前菜，分別有甘露煮、三文魚黑蟹籽配哈蜜瓜同埋蟹膏豆腐，甘露煮即係日本家庭菜式，使用醬油、水、味醂煮出甜蜜美味的番薯。季節刺身三點刺身既擺盤非常精緻特別，下面放有迷你魚缸，有兩條魚仔游黎游去，好得意，刺身分別有深海池魚、牡丹蝦同埋赤身，全部都好新鮮，好鮮甜。和牛刺身和牛刺身入口即溶，牛味濃郁，和牛裡面包左芽蔥，上面仲有黑蟹籽，配埋意大利酸汁，非常開胃。鮑魚凍餅鮑魚用慢煮既形式煮，肉質軟熟得黎又彈牙，可以配肝醬食，或者配壽司飯同高湯啫喱一齊食。鵝肝茶碗蒸將鵝肝撈左落茶碗蒸入面，蛋面裡散發濃濃既鵝肝味，茶碗蒸依然嫩滑，裡面仲有wasabi同柚子蜜，食落冇咁膩。炭薰牛舌牛舌非常厚身，爽脆，除左用炭燒之外，師傅仲會用炭薰，令到炭燒味更香，味道更出眾，配埋芥末籽醬一齊食，非常香口，配菜都一樣出色，蘆荀用黑松露醬炒過，好香。和牛他他紫菜牛小排卷今餐除左食之外，仲係藝術既欣賞，每一道菜都係藝術品，今之用左一隻手做碟，上面放左一個和牛他仔紫菜卷，紫菜內放入炭燒牛小排，和牛他他同埋紫蘇葉，加入紫蘇葉可以減少油膩感。季節幽
季節精品先付三點
首先上既係前菜，分別有甘露煮、三文魚黑蟹籽配哈蜜瓜同埋蟹膏豆腐，甘露煮即係日本家庭菜式，使用醬油、水、味醂煮出甜蜜美味的番薯。
季節刺身三點
刺身既擺盤非常精緻特別，下面放有迷你魚缸，有兩條魚仔游黎游去，好得意，刺身分別有深海池魚、牡丹蝦同埋赤身，全部都好新鮮，好鮮甜。
和牛刺身
和牛刺身入口即溶，牛味濃郁，和牛裡面包左芽蔥，上面仲有黑蟹籽，配埋意大利酸汁，非常開胃。
鮑魚凍餅
鮑魚用慢煮既形式煮，肉質軟熟得黎又彈牙，可以配肝醬食，或者配壽司飯同高湯啫喱一齊食。
鵝肝茶碗蒸
將鵝肝撈左落茶碗蒸入面，蛋面裡散發濃濃既鵝肝味，茶碗蒸依然嫩滑，裡面仲有wasabi同柚子蜜，食落冇咁膩。
炭薰牛舌
牛舌非常厚身，爽脆，除左用炭燒之外，師傅仲會用炭薰，令到炭燒味更香，味道更出眾，配埋芥末籽醬一齊食，非常香口，配菜都一樣出色，蘆荀用黑松露醬炒過，好香。
和牛他他紫菜牛小排卷
今餐除左食之外，仲係藝術既欣賞，每一道菜都係藝術品，今之用左一隻手做碟，上面放左一個和牛他仔紫菜卷，紫菜內放入炭燒牛小排，和牛他他同埋紫蘇葉，加入紫蘇葉可以減少油膩感。
季節幽庵燒
幽庵燒係和食燒物的一種，今次用左秋刀魚，配上幽庵燒汁，秋刀魚燒到外枝香脆，配埋秋葵同芋溶。
壽喜汁精選和牛肉眼薄燒
呢個和牛肉眼薄燒，油脂豐富，肉質軟熟，入口即溶，牛味香濃，係壽喜燒汁裡面加左白蘭地，令香味提升，配菜有冬菇，芋絲，豆腐，全部都吸哂壽喜燒汁，非常惹味。
日本玉子塩漬精選和牛柳粒
和牛柳粒食落軟熟，而且有口感，旁邊仲有玉子鹽漬，即是用蛋黃做成既鹽漬，蛋香味濃，配和牛好夾，另外仲有烤大蒜頭，蒜味唔太濃，反而似食蔬菜。
海鮮土瓶燒
呢款係傳統海鮮湯，將湯同配料分開，而且一直用火熱住D湯，想飲既時侯就倒出黎，咁就一直有熱湯飲。
梅子冷素麵
最後仲可以揀飯或者麵，我就揀左梅子醬冷素麵，配脆脆米食口感豐富，醬汁酸酸地，減少膩感。
最後食埋甜品就非常滿足，雲尼拿雪糕配赤肉蜜瓜。
張貼
