影片
更多
2013-08-18
233 瀏覽
2月7日, 素食文化近年開始慢慢興起, 身邊亦越來越多朋友主張少肉多菜飲食, 順理成章造就咗今年我地嘅團年飯選址喺呢間素食西餐廳! 晚市時段餐廳座位爆滿, 好彩一早訂定位~ 餐廳環境裝修好有特色, 不過枱與枱之間距離頗狹窄, 真係肥少少都坐得唔舒服… anyway, 坐低就開始叫野食喇!::: 番茄羅勒烤芝士麵包 ::: $58麵包用上法包, 面頭鋪上芝士同埋份量慷慨嘅羅勒醬加車里茄, 再淋上橄欖油, 感覺十分jamie oliver~ 味道簡簡單單都係材料天然嘅味道, 但係勝在十分夾~::: 香脆黃金塊 ::: $48呢個其實係齋麥樂雞~ 認真形神俱備! 外層炸得香脆唔油膩, 內裡係結實嘅豆茸, 口感似足真嘅麥樂雞, 彈牙又有肉味, 外層灑上辣粉, 蘸埋茄汁食都幾惹味!::: 泰式素串燒 ::: $48賣相十分吸引, 味道亦十分討好! 素串燒串燒外層焦脆, 質地則爽口彈牙, 食時伴以泰式甜酸醬, 竟然可以食到平時肉串燒嘅風味! 連唔太好素肉嘅人仕都表示好味~ 推介呀! ::: 椒鹽炸脆豆腐 ::: $48終於有一味係純正素食! 呢個炸豆腐雖然不論材料同烹調都係一般做法, 但勝在炸得香
::: 番茄羅勒烤芝士麵包 ::: $58麵包用上法包, 面頭鋪上芝士同埋份量慷慨嘅羅勒醬加車里茄, 再淋上橄欖油, 感覺十分jamie oliver~ 味道簡簡單單都係材料天然嘅味道, 但係勝在十分夾~
::: 香脆黃金塊 ::: $48呢個其實係齋麥樂雞~ 認真形神俱備! 外層炸得香脆唔油膩, 內裡係結實嘅豆茸, 口感似足真嘅麥樂雞, 彈牙又有肉味, 外層灑上辣粉, 蘸埋茄汁食都幾惹味!
::: 泰式素串燒 ::: $48賣相十分吸引, 味道亦十分討好! 素串燒串燒外層焦脆, 質地則爽口彈牙, 食時伴以泰式甜酸醬, 竟然可以食到平時肉串燒嘅風味! 連唔太好素肉嘅人仕都表示好味~ 推介呀!
::: 椒鹽炸脆豆腐 ::: $48終於有一味係純正素食! 呢個炸豆腐雖然不論材料同烹調都係一般做法, 但勝在炸得香脆之餘夠乾身唔會油淋淋~ 面頭灑上香料粉同點埋醬汁味道更豐富! 要讚嘅係雖然外在味道咁濃但係豆腐味仍然突出, 唔錯唔錯~
::: 香脆黑椒大豆炸餅漢堡包(白汁)伴南瓜薯角及神秘有機醬汁田園沙律 ::: $128漢堡包都算係呢度最受歡迎菜色之一, 我地都要預留先叫到一份! 漢堡包餡料有招牌紅菜頭醬、烤大菇甜心菠蘿、香脆黑椒大豆炸餅三款, 而我地就揀咗質感最似漢堡扒嘅大豆炸餅~ 首先漢堡包烘得香脆係值得一讚! 內裡餡料除咗大豆炸餅之外仲有d生菜番茄同菜苗等, 都算豐富. 其實佢地個白汁味道唔太突出, 反而大豆炸餅嘅黑椒味較重, 整體當然唔夠真肉漢堡吸引, 但都算惹味嘅~
南瓜做成薯角size再拎去烤係幾特別, 不過食落南瓜味同外層嘅蜜糖甜味唔係好夾, 勝在比炸薯條健康吧… 另外薯角亦係用新鮮薯仔做成, 仲係連埋薯皮嘅健康食法, 可惜薯角整得唔夠脆, 普通啦! 田園沙律d菜算係新鮮, 但醬汁不多, 有點乾啃feel…
::: 焗香草醬芝士雜菜(茄子)千層麵 ::: $128超級豐富同足料嘅一度菜~ 雖然只有雜菜做餡但味道足以媲美肉醬千層麵! 淨係睇佢堆得滿滿加上慷慨嘅芝士嘅賣相已經滿分! 每層餡料都鋪得滿滿, 茄醬自然鮮甜, 蔬菜有軟淋有爽口, 茄子又吸滿餡料鮮味, 加上每層夾雜嘅濃郁芝士… 真係食到人停唔到口! 雖然唔算好大兜, 但係又芝士又茄醬咁食食下都幾飽肚.
::: 奶油黑松露醬什菌燴彈弓意粉 ::: $128簡簡單單用菇菌做主角嘅意粉, 雖然有奶油黑松露醬但因為醬汁不多, 比較乾身. 就算彈弓意粉鎖汁力強, 但咬落都略嫌有少少乾硬. 什菌調味不多, 味道較清淡, 黑松露醬夠香不過食落口味道亦唔重, 好靠奶油同芝士吊出個味來~ 整體ok, 感覺健康更勝味覺.
晚餐每人最低消費$150, 都預咗你要upgrade主食做套餐, 或者要另叫小食. 套餐包嘅餐湯同餐飲味道普通, 凍檸檬茶一貫西餐特色無乜茶味… 建議都係配搭小食湊數比較好~ 好耐之前睇過關於呢度嘅介紹已經好想試架喇, 今次一試又無想像中咁驚為天人, 不過素食餐廳中佢算係做得唔錯架喇! 食多d素保護我地個地球點都係值得支持嘅!
張貼
