復仇者餐館 (已結業)

係充斥住林林總總酒吧以及西式餐廳的蘇豪區， 點會諗到會有一間將本地和異國菜crossover的特色小店。我同肥妹偵探見佢咁有特色，就試左呢間 #復仇者餐館.小店設於一樓，當慢慢走上狹窄的樓梯，就好似時光隧道咁，d音樂帶你回到5、60年代，店內裝横十分有格調，適合情侶或一班朋友聊天談心。.小食我地試左呢個"自家包芝士黑松露好好味煎餃" 。煎餃最忌重油膩感以及皮太硬，但呢個煎餃控油做得分外恰到好處，冇多餘既肥膩感，而且表皮軟硬度、厚薄度亦掌控合宜。餡料鎖住了肉汁，咬落去時慢慢滲透出黑松露的味道。絕對係用心之作！.吃完煎炸野當然要飲返d野，呢杯"檸檬蜂蜜鐵觀音"係炎炎夏日成為消暑涼伴，天然蜂蜜同檸檬伴著鐵觀音特有的熟果香，帶一種清新感，一抹主菜夾雜係口腔中的百味，好適合作為伴菜飲品。.其中一碟主菜我地叫左"港式卡邦尼炒腸粉"，呢個配搭好盞鬼但卻異常咁好食。香濃的卡邦尼醬混入有些少煙韌並且滑口的腸粉，互相輝映，洋蔥同煙肉分量剛好，不會喧賓奪主，十分推介各位一試。.全場我極度欣賞呢個"珍珠茄牛油果青醬芝士長通粉。長通粉係我地喜歡的偏硬口感，牛油果與青醬成為一體，兩種不同的食材加在一起，成為一個獨