852kitchen

營業中

休息中

放工食完飯 ，又想買宵夜返屋企煲劇，民間小食一定係最正。觀塘駱駝漆大廈成行都係外賣小食店，見人多，於是行前啲去睇下，原來隔咗仲有條巷，我哋行入去試下。新開呢間小食店，味道唔錯，份量多，餐牌淋瑯滿目，好多選擇，價錢大衆化，扺食👍~~~~~~~~~~~~~~~~~~~~~~~~~~~~~~💫 花鵰醉鴨舌醉鴨舌皮滑肉少，富淡淡花雕香，酒味甘香醇厚，一道用來佐酒也不錯既涼盤。💫 蒜泥白肉豬肉皮薄質嫩,皮肉肥瘦相連，微微麻辣加上蒜蓉連埋白肉一齊食，好惹味。💫滷水拼盤有雞翼，豬腸，紅腸，豆腐，腩肉。滷得入味亦保留食物原有質感和味道，鹹香濃郁。💫韭菜湯餃餡料飽滿多汁，韭菜和豬肉份量適中，吃得到菜的口感。💫捱夜水捱夜傷肝又積火，飲番枝潤肺下火健康飲品，對忙碌都市人 係唔錯既選擇。成份有花𣄃參，菊花，杞子，味道甘甘地，口味清淡。