影片
更多
2021-07-31
1754 瀏覽
今日幫人搬張電動床返屋企，搞完都已經接近六點，唔想買餸煮飯，約埋老公嚟附近食個簡便晚餐。揀咗英皇道東寶大廈地下呢間新開嘅「Café Paradise」，店舖門面好有特色，用上雲朵及一對天使翅膀作裝飾。室內的防疫隔板，色彩繽紛艷麗，視覺效果唔錯，令人心情愉快！頭先喺門口已經睇咗餐牌，食物選擇好豐富，除咗晚市套餐，另外仲有石燒牛扒，主菜、 薄餅、意粉、天使麵、全日早餐、鐵板系列、小食、甜品等供應。石燒牛扒非常抵食，最平 $78 就已經有交易，+$30 仲可以升級為套餐，包餐湯、沙律、甜品及飲品，當然唔可以錯過，另外再加咗客煙三文魚蜆肉天使麵 ($73)。天使麵份量都幾多，三文魚下得很慷慨，入口帶陣陣煙燻咸香；而蜆肉亦有蜆甜味，食落無沙。麵條煮得啱啱好，口感爽彈，每條都沾滿濃香嘅忌廉汁，入口 Creamy 不膩，水準實在不錯！石燒美國頂級穀飼牛肩胛肉眼扒亦睇頭十足，廚師會先將牛扒燒至約一成熟，然後用高溫火山石送上，客人可以手動 DIY，自己控制牛肉嘅生熟程度。睇下件扒幾大塊，扒身厚近一吋，肉汁豐富，肉質軟腍不韌，絕對無將貨就價。伴吃的沙律同雜菌忌廉湯，味道亦唔錯，沙律菜新鮮爽甜，忌廉湯味道正
揀咗英皇道東寶大廈地下呢間新開嘅「Café Paradise」，店舖門面好有特色，用上雲朵及一對天使翅膀作裝飾。室內的防疫隔板，色彩繽紛艷麗，視覺效果唔錯，令人心情愉快！
頭先喺門口已經睇咗餐牌，食物選擇好豐富，除咗晚市套餐，另外仲有石燒牛扒，主菜、 薄餅、意粉、天使麵、全日早餐、鐵板系列、小食、甜品等供應。
石燒牛扒非常抵食，最平 $78 就已經有交易，+$30 仲可以升級為套餐，包餐湯、沙律、甜品及飲品，當然唔可以錯過，另外再加咗客煙三文魚蜆肉天使麵 ($73)。
天使麵份量都幾多，三文魚下得很慷慨，入口帶陣陣煙燻咸香；而蜆肉亦有蜆甜味，食落無沙。麵條煮得啱啱好，口感爽彈，每條都沾滿濃香嘅忌廉汁，入口 Creamy 不膩，水準實在不錯！
石燒美國頂級穀飼牛肩胛肉眼扒亦睇頭十足，廚師會先將牛扒燒至約一成熟，然後用高溫火山石送上，客人可以手動 DIY，自己控制牛肉嘅生熟程度。睇下件扒幾大塊，扒身厚近一吋，肉汁豐富，肉質軟腍不韌，絕對無將貨就價。
伴吃的沙律同雜菌忌廉湯，味道亦唔錯，沙律菜新鮮爽甜，忌廉湯味道正常，夠熱，食完飯再嘆返杯熱奶茶，Perfect。
記得食埋甜品先至走，真係好耐無食過啫喱啦，兒時回憶返曬嚟！
張貼
