樂湖刀削麵

營業中

休息中

今日小編遲左好多收工，不過唔緊要最緊要夜晚仲有餐廳開呀😬。係天水圍好多餐廳9點幾已經好多都關左門，只有極少量舖頭仲係開門做生意🧐。而今日小編去嘅呢間其實幫襯左好多次，呢間餐廳都開得比較夜少少🌙，小編實在太肚餓，唔理咁多就入去食刀削麵啦🍜，而間餐廳個名就叫「樂湖刀削麵 」。✦✦✦✦✦✦✦✦✦✦✦✦✦✦🎈麻辣豬肚刀削麵 $46今次小編就揀左麻辣豬肚刀削麵🍜，麻辣豬肚上面有蒜同蔥花，麻辣味再加上蒜粒非常有咬口之餘仲好濃口味😝，寧舍開胃。豬肚完全入哂麻辣味，顏色相當深，咬入口仲有好多麻辣醬汁漏返出黎💦，好多汁又入味，小編都食到呻哂俐😝，好辣🌶。刀削麵厚切大大塊，每一塊都係由師傅一刀一刀咁切出黎🔪。刀削麵最正嘅地方就係要一條一條咁去食，麵質嘅口感同不規律嘅厚度長度📏，煙煙韌韌，好過癮👏。不過要注意辣度，小編雖然嗌左小辣都食到出汗🥵，另外，麻辣刀削麵餐送一杯豆漿或者一杯熱飲🥤，畀你解解辣😳。✦✦✦✦✦✦✦✦✦✦✦✦✦✦其實小編係麵類當中最鍾意係食刀削麵🍜，尤其係可以睇到師傅由一團麵粉用刀削成一條又一條麵🍲，再一碗完完整整嘅刀削麵放係你眼前👀，整個製作過程完全展示出黎🔍。✦✦✦✦✦✦✦✦✦✦✦✦✦✦