影片
更多
2022-10-15
84 瀏覽
經常都黎德福呢個Food court到食lunch，貪其多選擇，不過都幾難搵位，尤其係撞正學生放飯時間，所以呢，一般都係兩點半過後先黎，哈哈。轉左一圈，決定食最多人排嘅古早台居，飲下珍珠奶茶都好，好耐無飲啊～⭐紅燒豬軟骨麵自己點左一碗紅燒豬軟骨麵，估唔到豬軟骨係分開上喎，幾好吖，唔怕啲湯浸走晒啲味，豬軟骨炆得軟腍入味，雖然賣相唔多靚，但真係好好味，鹹鹹香香咁。湯頭濃郁鮮味，麵條有咬口，整體感覺唔錯呀。⭐酥炸豬扒肉燥飯朋友就點左肉燥魯肉飯，佢呢碗賣相幾正喎，伴碟有小棠菜、蕃茄仔、黃蘿蔔等，紅紅綠綠幾好睇。炸豬扒香脆，肉燥飯肥肉比例高，入口陣陣豬油好甘香，撈飯一流。⭐荔枝紅茶&珍珠奶綠點主食後加台飲有半價，加配左荔枝紅茶同珍珠奶綠，紅茶唔太甜幾啱飲，仲有椰果添。珍珠有咬口，黑糖香口，但仍然飲到綠茶味，調得比例唔錯呀。五十幾蚊食飽飽，好滿足～
轉左一圈，決定食最多人排嘅古早台居，飲下珍珠奶茶都好，好耐無飲啊～
⭐紅燒豬軟骨麵
自己點左一碗紅燒豬軟骨麵，估唔到豬軟骨係分開上喎，幾好吖，唔怕啲湯浸走晒啲味，豬軟骨炆得軟腍入味，雖然賣相唔多靚，但真係好好味，鹹鹹香香咁。湯頭濃郁鮮味，麵條有咬口，整體感覺唔錯呀。
⭐酥炸豬扒肉燥飯
朋友就點左肉燥魯肉飯，佢呢碗賣相幾正喎，伴碟有小棠菜、蕃茄仔、黃蘿蔔等，紅紅綠綠幾好睇。炸豬扒香脆，肉燥飯肥肉比例高，入口陣陣豬油好甘香，撈飯一流。
⭐荔枝紅茶&珍珠奶綠
點主食後加台飲有半價，加配左荔枝紅茶同珍珠奶綠，紅茶唔太甜幾啱飲，仲有椰果添。珍珠有咬口，黑糖香口，但仍然飲到綠茶味，調得比例唔錯呀。
五十幾蚊食飽飽，好滿足～
張貼
