Alvy's (已結業)

作為一間主打啤酒嘅酒吧，佢嘅食物都相當好味😋叫左個二人餐腐乳凱撒沙律呢個凱撒沙律，最初都擔心腐乳味太突出，點知整體感覺幾惹味又唔會太搶。而且凱撒沙律嘅羅馬生菜好爽脆，上面有好多蜜汁叉燒粒，仲有食粥會配搭嘅薄脆！好少見到呢種配搭，但出奇地好味😋威士忌燒烤炸雞翼一碟四隻雞翼用燒烤醬加少少威士忌整成，配薑蓉酸忌廉和兩條西芹。雞翼相當入味，適合作為配啤酒嘅小食。招牌肉丸兩粒大粒嘅肉丸上面有芝士，裏面有豬肉同牛肉，肉嘅比例唔會太肥，口感不錯。白鬼叉燒薑蔥叉燒pizza 呢個Pizza絕對係中西結合嘅表表者，唔知係唔係廚師好鍾意食中式薑蔥叉燒飯，諗到將呢啲配料放喺pizza上焗。pizza上放左大量mozzarella cheese，再配埋好多薑蓉同香蔥，仲有叉燒粒，加埋有幾得意，亦都比用莎娜美腸更有新鮮感，唔錯！不過兩個人食都真係要努力做吓運動😆來到酒吧，當然要叫嘢飲。二人餐包兩杯啤酒或兩杯mocktails。我地點一杯Soda-licious 同一杯 Virgin Mojito。前者passion fruit 果味都好香，非常易入口；後者清新舒服。