影片
更多
2021-08-26
412 瀏覽
馬鞍山貴為美食沙漠並非浪得虛名，市中心商場一帶連鎖式集團都要大排長龍。想搵一間質素高，價錢大眾化，唔需要大排長龍的確難道十足。其實西沙一帶距離市中心只係5分鐘車程，食肆林立，而King's & Queen's冰室更加可以稱得上平靚正，無論食物，裝修，價錢都唔錯。居住美食沙漠嘅朋友仔何不一試呢？餐廳主打雖然小菜菜式，但內部裝修同我平時一路所認識小菜餐廳有好大分別。餐廳餐桌充滿歐陸風格，而牆壁以異國風景油畫作裝飾，充滿現代感及藝術感。其中一幅牆更以天使翼作主題，喜歡打卡朋友絕對唔可以錯過。餐廳標榜以日本高質素食鹽作調味，絕無味精，自然食得安心又開心。🌟 招牌淮香炸子雞(半隻) $108金黃色炸子雞新鮮熱辣呈上，擺盤非常精美，絕對要相機食先。炸子雞皮脆肉滑，咸香味道適中，果然係招牌菜，極力推薦。🌟 鐵板芝士龍利柳 $98鐵板上枱令到芝士處於熔岩狀態，芝士味道非常濃郁，而且份量十足，令到龍利柳每一件都沾上滿滿芝士，夠哂邪惡。龍利柳肉質嫩滑，兩者配合成為佳作。🌟 椒鹽鮮魷 $88香脆椒鹽份量相當充足，椒鹽味道十足。值得一讚炸漿非常薄身，唔會滿口粉漿。另外鮮魷肉質非常爽口煙韌，感覺新鮮。🌟 風沙茄
馬鞍山貴為美食沙漠並非浪得虛名，市中心商場一帶連鎖式集團都要大排長龍。想搵一間質素高，價錢大眾化，唔需要大排長龍的確難道十足。其實西沙一帶距離市中心只係5分鐘車程，食肆林立，而King's & Queen's冰室更加可以稱得上平靚正，無論食物，裝修，價錢都唔錯。居住美食沙漠嘅朋友仔何不一試呢？
餐廳主打雖然小菜菜式，但內部裝修同我平時一路所認識小菜餐廳有好大分別。餐廳餐桌充滿歐陸風格，而牆壁以異國風景油畫作裝飾，充滿現代感及藝術感。其中一幅牆更以天使翼作主題，喜歡打卡朋友絕對唔可以錯過。
餐廳標榜以日本高質素食鹽作調味，絕無味精，自然食得安心又開心。
🌟 招牌淮香炸子雞(半隻) $108金黃色炸子雞新鮮熱辣呈上，擺盤非常精美，絕對要相機食先。炸子雞皮脆肉滑，咸香味道適中，果然係招牌菜，極力推薦。
🌟 鐵板芝士龍利柳 $98鐵板上枱令到芝士處於熔岩狀態，芝士味道非常濃郁，而且份量十足，令到龍利柳每一件都沾上滿滿芝士，夠哂邪惡。龍利柳肉質嫩滑，兩者配合成為佳作。
🌟 椒鹽鮮魷 $88香脆椒鹽份量相當充足，椒鹽味道十足。值得一讚炸漿非常薄身，唔會滿口粉漿。另外鮮魷肉質非常爽口煙韌，感覺新鮮。
🌟 風沙茄子 $78風沙茄子同樣鋪滿椒鹽令到菜式香氣十足，茄子外層香脆內裡軟腍，油份十足，非常惹味。
🌟 馬拉盞通菜牛肉 $88通菜葉、莖依然保持翠綠色，牛肉亦相當軟腍。要注意一下馬拉盞味道濃烈，味道偏重，用白飯中和一下會比較好。
🌟 黃金蝦球 $98必須稱讚餐廳每一道小菜都熱辣辣上枱，溫度絕對影響餸菜質素。黃金蝦球溫度十足，咸蛋黃呈現流沙狀態，濃濃咸蛋香送飯一流。蝦球肉質爽口彈牙，感覺用料絕不馬虎。
張貼
